Azərbaycan Dövlət Neft və Sənaye Universitetinin İnformasiya texnologiyaları və idarəetmə fakültəsi
İnformasiya texnologiyalarının idarəetməsi Fakültəsi' (İTİF) — Azərbaycan Dövlət Neft Akademiyasının yeddi fakültəsindən biridir.
Tarixi
“İnformasiya texnologiyaları və idarəetmə” fakültəsinin əsası 1961-ci ildə “İstehsalat proseslərinin avtomatlaşdırılması” fakültəsinin yaranması ilə qoyulub. Bu fakültə energetika, neft-qaz və neft-kimya sahələrinin avtomatlaşdırılması, idarəolunması və onları həyata keçirməyə imkan verən texniki vasitələrin işlənməsi və istismarı problemləri ilə bağlı tarixi zərurət nəticəsində yaranıb.
Fakültənin yaranmasında və inkişafında xüsusi rol oynamış alim və pedaqoqlardan akademiklər İ.Ə.İbrahimov, T.M.Əliyev, AMEA-nın müxbir üzvləri R.Ə.Əliyev, Ə.Ə.Abdullayev, S.Q.Kərimov, professorlar İ.Ə.Nəbiyev, N.H.Fərzanə, R.M.Mirsəlimov, İ.M.Abdullayev, İ.R.Əfəndiyev və başqalarını göstərmək olar.
2015-ci ildən fakültənin dekanı dosent Səməd İmaməli oğlu Yusifovdur.
Rəhbərlər
Fakültədə dekan vəzifəsini müxtəlif dövrlərdə ardıcıl olaraq aşağıdakı şəxslər icra etmişdir:
- dosent İ.Ə.Nəbiyev (1961-1963)
- dosent H.H.Səmədov (1963-1979)
- dosent R.Ə.Zeynalov (1979-1993)
- professor İ.M.Abdullayev (1993-2003)
- dosent T.A. Əliyev (2003-2011)
- dosent R.N.Allahverdiyev(2011-2015).
Kafedralar
- Ali riyaziyyat
- Avtomatika, telemexanika, elektronika;
- Kompüter Mühəndisliyi və Elmləri;
- İstehsal proseslərinin avtomatlaşdırılması;
- Cihazqayırma;
- Kompüter texnologiyaları və proqramlaşdırma;
İxtisaslar
- Cihazqayırma mühəndisliyi;
- Elektronika, telekommunikasiya və radiotexnika mühəndisliyi;
- Proseslərin avtomatlaşdırılması mühəndisliyi;
- Proseslərin avtomatlaşdırılması mühəndisliyi (Tempus proqramı çərçivəsində);
- Mexatronika və robototexnika mühəndisliyi;
- Kompüter mühəndisliyi;
- İnformasiya texnologiyaları və sistemləri mühəndisliyi;
- Metrologiya, standartlaşdırma və sertifikasiya mühəndisliyi;
- Biotibbi texnologiya mühəndisliyi;
- Biznesin idarə edilməsi (BBA proqramı);
- Menecment (BBA proqramı);
- Sənayenin təşkili və idarə olunması (ZU proqramı).
Həmçinin bax
Mənbə
«İSTEHSAL PROSESLƏRİNİN AVTOMATLAŞDIRILMASI» FAKÜLTƏSİ