Muncuqlutəpə qədim qəbiristanlığı
Şəmkir rayonunda Kürün sağ sahilindən 120 metr aralıda yerləşir. Qəbiristanlıq Kürün yuduğu təpədə qeydə alınmışdır. Yaz və payız fəsillərində Kürdə suyun qalxması ilə əlaqədar olaraq təpənin sahilkənarı hissəsini su basır və qəbirləri dağıdır. Nəticədə saxsı qab qırıqlarından ibarət qəbir avadanlığı və insan sümükləri ətrafa səpələnmişdir. Saxsı nümunələri əsasında qəbiristanlıq Kür-Araz mədəniyyətinin final mərhələsinə aid edilir.