Şahin Hüseynli

Şahin Hüseynli
Şəxsi məlumatlar
Doğum tarixi	4 may 1995
Doğum yeri	Beyləqan, Azərbaycan
Vəfat tarixi	27 sentyabr 2020 (25 yaşında)
Vəfat yeri	Füzuli
Vəfat səbəbi	Şəhid olmuşdur
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Rütbəsi	Kiçik çavuş
Döyüşlər	İkinci Qarabağ Müharibəsi  • Füzuli döyüşləri
Təltifləri

Şahin Hüseynli (tam adı: Şahin Vaqif oğlu Hüseynli, 4 may 1995; Beyləqan – 27 sentyabr 2020; Füzuli) — Azərbaycan Silahlı Qüvvələrinin əsgəri, Vətən Müharibəsinin şəhidi.

Həyatı

Şahin Hüseynli 4 may 1995-ci ildə Beyləqan şəhərində anadan olmuşdur. 2002-2013-cü illərdə şəhər 4 saylı tam orta məktəbdə təhsilini almışdır.

Hərbi xidməti

2013-2015-ci illərdə hərbi xidmətdən keçmişdir. Şahin Hüseynli Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsinə tankçı kimi qatılmış, düşmənin xeyli sayda texnikasını və canlı qüvvəsini məhv etmişdir. Füzuli rayonu istiqamətində gedən döyüşlərdə düşmən hücumunun qarşısını alarkən qəhrəmancasına şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Şahin Hüseynli ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Şahin Hüseynli ölümündən sonra "Füzulinin azad olunmasına görə" medalı ilə təltif edildi.

Təltifləri

• (15.12.2020) — "Vətən uğrunda" medalı (ölümündən sonra)
• (25.12.2020) — "Füzulinin azad olunmasına görə" medalı (ölümündən sonra)