Sübhan Məmmədli

Sübhan Sebuhi oğlu Memmedli (12 avqust 1994, Kəngərli rayon Xıncab kəndi, Naxçıvan Muxtar Respublikası –6 oktyabr 2020 Füzuli rayonu) — Azərbaycan Silahlı Qüvvələrinin Baş leytenantı, Vətən müharibəsinin şəhidi.

Həyatı

Sübhan Məmmədli 1994 cü il 12 Avqustda NMR-nın Kengerli Rayon Xıncab kendinde anadan olmuşdur. 2000-2009-cu illərdə Xıncab tam orta məktəbində, 2009-2012-ci illərdə Heydər Əliyev Adına Hərbi Liseydə təhsil alıb. 2012-2016-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb.Evli idi.

Hərbi xidməti

Sübhan Məmmədli 2016-ci ildə Leytenant rütbəsi alaraq Ordu sıralarına daxil olmuşdur. Xidmətə Bərdə şəhər N saylı hərbi hissədə başlamışdır. 2017-cı il May və Sentyabr aylarında Tərtər rayon istiqamətində ön xəttdə xidmət etmişdir. 2017-ci ildə Goranboy rayon Ballı Qaya N saylı hərbi hissəsinə Bölük Komandiri vəzifəsinə göndərilib.2018-ci ildən Xidmətini Bakı şəhər N saylı hərbi hissəsində Bölük Komandiri vəzifəsində davam etdirmişdir. 2019- cu ildə 26 iyunda Baş Leytenant Rütbəsinə yüksəlmişdir. 2020-ci il 27 Sentyabrda başlanan || Qarabağ Müharibəsində Cəbhənin ön xəttinə yollanaraq orada qəhrəmanlıq göstərmişdir. Düşmənin keçilməz hesab edilən bir neçə postunu elə keçirmişdir. 2020-ci il 6 oktyabrda düşmənlə döyüşdə, yaxınlığına atılan minamyot qəlpəsi nəticəsində qəhramancasına şəhid olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Sübhan Məmmədli ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Sübhan Məmmədli ölümündən sonra "Füzulinin azad olunmasına görə" medalı ilə təltif edildi.

Təltifləri

Sübhan Məmmədli
Şəxsi məlumatlar
Doğum tarixi	12 avqust 1994
Doğum yeri	Xıncab, Kengerli rayonu ,Naxçıvan Muxtar Respublikası,Azərbaycan
Vəfat tarixi	6 oktyabr 2020 (26 yaşında)
Vəfat yeri	Füzuli rayonu, Azərbaycan
Dəfn yeri	II Fəxri Xiyaban
Vətəndaşlığı	Azərbaycan
Təhsili	Heydər Əliyev adına hərbi lisey, Heydər Əliyev adına Azərbaycan Ali Hərbi Məktəbi
Hərbi fəaliyyəti
Mənsubiyyəti	Azərbaycan Ordusu
Qoşun növü	Xüsusi Təyinatlı Qüvvələr
Xidmət illəri	2016-2020
Rütbəsi	Baş leytenant
Döyüşlər	Vətən müharibəsi • Füzuli döyüşləri
Təltifləri

(15.12.2020) — "Vətən uğrunda" medalı (ölümündən sonra)

(25.12.2020) — "Füzulinin azad olunmasına görə" medalı (ölümündən sonra)