Bakı Televiziya Qülləsi

Bakı Televiziya Qülləsi və ya Bakı teleqülləsi rus. Бакинская телебашня
Bakı Televiziya Qülləsi
Bakı Televiziya Qülləsi
40°21′05″ şm. e. 49°49′24″ ş. u.
Ölkə	Azərbaycan
Şəhər	Bakı
Yerləşir	Bakı, Azərbaycan
Tikilmə tarixi	1979-1996
Vikianbarda əlaqəli mediafayllar

Bakı Televiziya Qülləsi - 1996-cı ildə Bakı şəhərində inşa olunmuş televiziya qülləsi. Qüllənin hündürlüyü 310 metrdir (Xəzər dənizi səviyyəsindən 480 metr). Bu Azərbaycan ərazisində ən hündür tikili və dünyada hündürlüyünə görə 34-cü Televiziya Qülləsidir.

Kompleks SSRİ Nazirlər Sovetinin qərarına və Azərbaycan SSR Rabitə Nazirliyinin sifarişi əsasında layihələşdirilmişdir. Tikinti işləri 1979-cu ildə başlamışdır. Layihə hesablamalarına görə tikinti işləri 1985-ci ildə tamamlanmalı idi. Lakin müəyyən səbəblər üzündən tikinti işləri dayandırılmışdı. Qüllənin tikintisi yenidən 1993-cü, yəni artıq müstəqillik dövründə başlanmışdır və 1996-ci ildə kompleksin rəsmi açılışı mərasimi keçirilmişdir.

Teleqüllədə 2008-ci ildə yenidənqurma işləri aparılıb, 175 metr yüksəklikdə (67-ci mərtəbədə) şəhərin mənzərəsinə baxmağa imkan verən və dövr edən restoran açılmışdır.