Dəspinə xatun (Abaqa xan)
| Despina xatun | |
|---|---|
| yun. Μαρία Παλαιολογίνα | |
 | |
Elxanilərin xatunu | |
| 1265 – 1282 | |
| Əvvəlki | Doqquz Xatun |
| Sonrakı | Doqquz Xatun |
| Şəxsi məlumatlar | |
| Doğum tarixi | XIII əsr |
| Doğum yeri |
|
| Vəfat tarixi | XIII əsr |
| Vəfat yeri | |
| Fəaliyyəti | Christian nun[d] |
| Atası | Mixail VIII Paleoloq |
| Həyat yoldaşı | Abaqa xan |
 Vikianbarda əlaqəli mediafayllar | |
Dəspinə xatun və ya Maria Paleoloqina — Elxanilərin xatunu, Bizans imperatoru VIII Mixailin qızı.
Həyatı
XIII əsrdə doğulub. İmperator Mixailin qeyri-qanuni övladı idi.O Monqollara gəlin göndərilmək üçün şəxsən atası tərəfindən seçilmişdi.[1] Bacısı Noğay xanla evli idi.[2] 1265-ci ildə Konstantinopolu tərk edən Mariya yolüstü Hülakü xanın öldüyünü öyrəndi. Əvəzində oğlu Abaqa ilə evləndirildi. 1282-ci iləcən İranda yaşayan Mariyaya monqollar Dəspinə xatun ləqəbi vermişdilər.
Dul həyatı
Əhməd Təkudar xanın hakimiyyətə gəlməsindən sonra Konstantinopola qayıdan Mariyanı bu dəfə qardaşı II Andronik 1307-ci ildə Abaqa xanın nəvəsi Məhəmməd Olcaytu ilə evləndirmək istədi. Lakin Osmanlı ordusunun Kiçik Asiyadakı fəaliyyətləri buna imkan vermədi. Mariya bundan sonra "Qanlı Kilsə" olaraq bilinəcək Monqolların Müqəddəs Məryəm kilsəsində rahibə həyatı başladı. Özünə Melaniya adını aldı və orada vəfat etdi.
Ailəsi
Abaqa xanla evliliyindən Araçatlun adlı qızı olmuş, onu Bizansa apararaq Teodora adı ilə böyütmüşdü.[3]
Həmçinin bax
İstinadlar
- ↑ Steven Runciman (1987) [1952-1954]. A History of the Crusades 3. Penguin Books. ISBN 978-0-14-013705-7, səh. 320
- ↑ Aleksandr van Milligen (1912). Byzantine Churches of Constantinople. London: MacMillan & Co, səh. 272
- ↑ Rüstəm Şükürov, Byzantine Turks, 84