Urusovo (Mordoviya)
| Urusovo | |
|---|---|
| 55°01′48″ şm. e. 46°15′36″ ş. u. | |
| Ölkə | |
| Rəqəmsal identifikatorlar | |
| Poçt indeksi | 431873 |
|
| |
.svg)
Urusovo (erz. Орозбие[1]) — Rusiya Federasiyası, Mordoviya Respublikası, Ardatov rayonu ərazisində yerləşən kənd.
Coğrafiya
Kənd Muravlekke çayı sahilində, rayon mərkəzindən 26 km aralıda yerləşir. Ardatov dəmiryolu stansiyası ilə arasında məsafə isə 36 km-dir.
Adı
Ad bir antroponimdir. Xristianlığı qəbul edənə qədər mordoviyalılar arasında geniş yayılmış "Urus" ( Oroz ) adı ilə əlaqədardır.
Tarixi
1624-ci ildə Alatır qəzası ərazisində, Novorleyski təpəsində, İvanovo kəndi olaraq qeyd edilir. 1671-ci ildə isə Urusovo kimi qeyd edilmişdir. 1863-cü ilə aid Simbirsk vilayətinin yaşayış məntəqələrinin siyahısında Urusovoda 154 həyət qeydə alınır. Bu dövrdə kənddə 1.357 nəfər yaşayırdı. Kənd ərazisində əsasən çəkməçilik sənayesi olduqca yaxşı inkişaf etmişdir. 1913-cü ilin siyahıya alınmasına görə 271 həyət qeydə alınır. Kəndin ümumi əhalisi isə 2 430 nəfər təşkil etmişdir. Kənddə dini məktəb fəaliyyət göstərmişdir. 1931-ci il siyahıya alınmasına görə isə kəndə 2 284 nəfər qeydə alınır (391 həyət). 1930-cu ildə kənddə Kuybişev adına kolxoz təşkil edilmişdir. 1958-ci ildə kolxozun adı «İnqilab dalğası» (rus. Волна революции), 1991-ci ildən isə «Urusovski» olaraq adlandırılmışdır.
İnfrastruktur
Müasir dövrdə kənddə orta məktəb, tarix-diyarşunaslıq muzeyi, kitabxana, mədəniyyət evi, tibb məntəqəsi, rabitə qovşağı, mağazalar, çörək bişirilən müəsissə, Mixail Arxangel kilsəsi (2000) fəaliyyət göstərir.
Tanınmış şəxsləri
- Dmitri Voskerenski — Stalin represiyasının qurbanı
- İ. S. Koteşkin — Şöhrət ordeni sahibi.
- Motorkinan Tatyana
- Y. V. Kostin — farmakoloq
- V. S. Borisov — texniki elmlər namizədi
- M. V. Saldayev — rəssam
- А. D. Dyorov — yerli tarixçi
Əhalisi
2001-ci Ümumrusiya siyahıya alınmasına kənddə 970 nəfər yaşamışdır. Əhalinin hamısı erzyan əsilli olmuşdur. 2016-cı il məlumatına görə isə kənddə 700 nəfər yaşayır.
İstinadlar
- ↑ ["Многоликая Мордовия: село Урусово (rus.)". 2015-07-06 tarixində orijinalından arxivləşdirilib. İstifadə tarixi: 2019-04-15. Многоликая Мордовия: село Урусово (rus.)]
Ədəbiyyat
- Гераклитов А. А. Алатырская мордва. — Саранск, 1938.
- Мордва. — Саранск, 1995.