Azad Qaradərəli

Azad Qaradərəli
Doğum tarixi	5 mart 1954(1954-03-05) (70 yaş)
Doğum yeri	Qaradərə, Zəngilan rayonu, Azərbaycan SSR, SSRİ
Əsərlərinin dili	Azərbaycan dili
Janrlar	hekayə, roman, esse

Azad Qaradərəli — yazıçı, publisist, Yazı dərgisinin baş redaktoru.

Həyatı

Azad Qaradərəli 1954-cü ildə Zəngilan rayonunun Qaradərə kəndində doğulub. APİ-nin filologiya fakültəsini bitirib. Bir müddət müəllim işləyib. 1993-cü ildə Zəngilanın ermənilər tərəfindən işğalından sonra ailəsilə birgə Bakıda yaşayır. 1996-ci ildən 2012-ci ilin iyun ayına qədər Azərbaycan Teleradio Verilişləri QSC-də - radioda çalışıb.

Azərbaycan Respublikası Ailə, Qadın və Uşaq Problemləri üzrə Dövlət Komitəsində baş məsləhətçi vəzifəsində işləyib.

İlk nəsr kitabı 1987-ci ildə çap olunub.

2011-ci ildə nəşrə başlayan "Yazı" ədəbiyyat dərgisinin baş redaktorudur.

Nəsr kitabları

1. Dumduru su (hekayələr). 1987
2. Ulartı (hekayələr, radiopyeslər). 1999
3. Dəhrə (hekayələr, nağıllar (uşaqlar üçün)). 2004
4. Qar ağlığı (hekayələr). 2008
5. Burda yer fırlanmırdı (hekayələr, roman). 2011

Elmi-publisistik kitabları

1. Aşiqlər. 1998
2. Əbədi işıq. 2004
3. Yol – Mincivandan Amerikaya. 2007
4. Aşiqlər (təkmilləşdirilmiş yeni nəşr). 2008
5. Zəngəzur qazisi Bəhlul Behcət. 2009
6. Yaxın-uzaq dostlara məktublar. 2010

Filmoqrafiya

• “Aşiqlər” kitabı əsasında çəkilmiş sənədli filmin ssenari müəllifi (C.Yusifzadə ilə birgə)