Ramin Məmmədli
| Ramin Məmmədli | |
|---|---|
| | |
| Şəxsi məlumatlar | |
| Doğum tarixi | |
| Doğum yeri | Şəki rayonu, Babaratma kəndi |
| Vəfat tarixi | 18 oktyabr 2020 (22 yaşında) |
| Vəfat yeri | Suqovuşan |
| Vəfat səbəbi | Şəhid olmuşdur |
| Dəfn yeri | Şəki rayonu, Babaratma kəndi |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Azərbaycan Silahlı Qüvvələri, Azərbaycan Respublikası |
| Qoşun növü |
Azərbaycan Silahlı Qüvvələri, Quru qoşunları |
| Xidmət illəri | 2016-2017 |
| Rütbəsi | Əsgər |
| Döyüşlər | Vətən müharibəsi Vətən müharibəsi |
| Təltifləri |
 |
Ramin Məmmədli (tam adı: Ramin Aydın oğlu Məmmədli Şəki rayonu, Babaratma kəndi Azərbaycan) — Azərbaycan Silahlı Qüvvələrinin əsgəri. Vətən müharibəsinin iştirakçısı.
Həyatı
Məmmədli Ramin Aydın oğlu, 14 noyabr 1997-ci ildə Şəki rayon, Babaratma kəndində anadan olmuşdur. 2004-cü ildə Babaratma kənd orta məktəbində təhsil almağa başlamışdır. Əmisi Habil Məmmədov, Vətən müharibəsi qazisidir.
Hərbi xidməti
Ramin Məmmədli, məktəbi bitirdikdən sonra hərbi xidmətə yollanmışdır. 2016-2017-ci illərdə Tapqaraqoyunlu və Talışkənd ərazilərində hərbi xidmətdə olmuşdur. Hərbi xidmət illərində kəşfiyyatçı olaraq fəaliyyət göstərmişdir.
Vətən müharibəsi
Sentyabr ayının 29-dan könüllü olaraq Vətən müharibəsinə yollanmışdır. Ramin, Goranboy-Ağdərə istiqamətində olan döyüşlərdə şücaətlə vuruşmuşdur. Döyüşlərdən birində qəlpə yarası almasına baxmayaraq, Ramin, yaralı halda neytral zonada olan digər bir silah yoldaşına yardım etmək üçün irəli qaçır. Ancaq bu anda snayper gülləsinə tuş gəlir və Suqovuşan ərazisində qəhrəmancasına Şəhidlik zirvəsinə yüksəlir.[1] O, 18 oktyabr 2020-ci il tarixində doğulduğu Babaratma kəndində torpağa tapşırılmışdır. Azərbaycanın ərazi bütövlüyünün bərpa edilməsindəki xidmətlərinə və düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi rəşadətinə görə Azərbaycan Respublikası Prezidenti İlham Əliyevin 15 dekabr 2020-ci il tarixli sərəncamına əsasən Ramin Məmmədli, "Vətən uğrunda" medalı ilə təltif edilmişdir.[2]