Musa Şəkiliyev
| Musa Şəkiliyev | |
|---|---|
| Şəkiliyev Musa Şaban oğlu | |
| Fayl:Musa Şəkiliyev.jpg | |
| Şəxsi məlumatlar | |
| Doğum tarixi | |
| Doğum yeri | Qax rayonu, Azərbaycan SSR, SSRİ |
| Partiya |
 Yeni Azərbaycan Partiyası |
| Dini | İslam |
| Elmi fəaliyyəti | |
| İş yeri | Qax Rayon İcra Hakimiyyəti |
| Tanınır | İcra başçısı |
| qax-ih.gov.az/page/20.ht… | |
Musa Şəkiliyev (23 sentyabr 1959, Qax) — Qax Rayon İcra Hakimiyyətinin başçısı.
Həyatı
Şəkiliyev Musa Şaban oğlu 23.09.1959-cu ildə Qax rayonunda anadan olmuşdur. O, 1976-cı ildə Qax şəhər 1 saylı orta məktəbini bitirmiş, Rostov Vilayətinin Novoçerkassk şəhərindəki Novoçerkassk Mühəndis-Meliorasiya institutuna daxil olmuş və 1981-ci ildə meşə təsərrüfatı mühəndisi ixtisası alaraq institutu bitirmişdir. Musa Şəkiliyev əmək fəaliyyətinə Qax Meşə Təsərrüfatı idarəsində meşə ustası kimi başlamışdır. O, 1981-1986-cı illərdə Qax Meşə Təsərrüfatı idarəsində meşə ustası və meşəbəyi, 1986-1987-ci illərdə Qax Rayon XDS İcrayə Komitəsində Mülki Müdafiə Qərargahının rəisi, 1987-1989-cu illərdə İlisu Dövlət Qoruğunun direktoru, 1989-2002-ci illərdə Qax Meşə Təsərrüfatının direktoru, 2002-2010-cu illərdə Respublika Ekologiya və Təbii Sərvətlər Nazirliyinin Meşələrin Mühafizəsi və Bərpası idarəsində rəis əvəzi, Meşələrin İnkişafı Deportamentində direktor müavini vəzifələrində işləmişdir.
Musa Şəkiliyev Azərbaycan Respublikası Prezidentinin 12 aprel 2010-cu il tarixli 850 saylı sərəncamı ilə Qax Rayon İcra Hakimiyyətinin başçısı vəzifəsinə təyin edilmişdir.
Yeni Azərbaycan Partiyasının üzvüdür.
Ailəlidir, 3 övladı var.
Xarici keçidlər
- Qax rayonuna yeni icra başçısı təyin edildi Arxivləşdirilib 2012-05-19 at the Wayback Machine