Keçid (film, 2005)

Keçid
Fayl:Keçid (film, 2005).jpg
Janr	sənədli film
Rejissor	Yusif Quliyev
Ssenari müəllifləri	Yavər Rzayev
İstehsalçı	"Yeni Dalğa" Prodüser Mərkəzi
İlk baxış tarixi	2005
Filmin növü	qısametrajlı sənədli film
Müddət	15 dəq.
Ölkələr	Azərbaycan
Dil	azərbaycanca
İl	2005
Rəng	rəngli

Məzmun

Filmdə Azərbaycanın ucqar bölgələrinin adət-ənənələrindən, dünya və bəşəriyyətin yaranmasından söhbət açılır.

Film haqqında

• Film sözsüzdür.
• Rejissor öz filminin yaranmasını belə xatırlamışdı:

Mən öz yuxularımı göstərirəm. "Keçid" filminin bir çox hissələrini yuxuda görmüşdüm. Necə görmüşdümsə, olduğu kimi də çəkmişəm. Yusif Quliyev

Festivallar və mükafatlar

1)2006-cı ildə Kino Günündə "Qızıl Çıraq" nominasiyası

• Film "Ən yaxşı qısametrajlı film", "Ən yaxşı operator işi"nə görə Mükafatlara layiq görüldü.

2)2006-cı ildə Buxarestdə(Rumıniya) UNESCO-nun keçirdiyi "Eko-Etno" beynəlxalq film festivalı

• Film Baş mükafata layiq görülmüşdür.

3)2007-ci ildə Amsterdamda(Niderland) keçirilən "Şadof film" festivalı

• Film Azərbaycanı təmsil etmişdir.

4)2007-ci ildə Qırğızıstanda "Dağ İncisi" beynəlxalq film festivalı

• Film festivalın baş mükafatını-"Qran-pri"sini almışdır.

5)2007-ci ildə Qazaxıstanda keçirilən "Şakin Ulduzları" beynəlxalq film festivalı

• Film "Ən yaxşı qısametrajlı film" mükafatına layiq görülmüşdür.

6)2007-ci ildə Kislovodskda(Rusiya) "Zolotoy vityaz" ("Qızıl Pəhləvan") festivalı

• Film "Xalqların mədəniyyətinin ən yaxşı bədii həlli" nominasiyası üzrə Xüsusi Mükafat almışdır.

7)2008-ci ildə "Novoye kino. XXI vek" ("Yeni kino. XXI əsr") V Beynəlxalq festivalı

• Film Azərbaycanı təmsil etmişdir.

Filmin heyəti

Film üzərində işləyənlər

Rejissor: Yusif Quliyev

Ssenari müəllifi: Yavər Rzayev

Mənbə

• İntiqam. “"Keçid" filmi” //Mədəniyyət.-2009.- 11 mart .- səh. 10.

Xarici keçidlər

• Filmi izlə