Danquşu

Danquşu
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Tipüstü: Sonağızlılar Tip: Xordalılar Sinif: Quşlar İnfrasinif: Yenidamaqlılar Klad: Neoaves Klad: Passerea Klad: Phaethoquornithes Klad: Aequornithes Dəstə: Qutankimilər Yarımdəstə: Ardei Fəsilə: Vağlar Yarımfəsilə: Danquşları Cins: Danquşu
Beynəlxalq elmi adı
Botaurus James Francis Stephens, 1819[…]
Şəkil axtarışı ITIS   174855 NCBI   110660 EOL   45511331 FW   39544

Danquşu (lat. Botaurus) — heyvanlar aləminin xordalılar tipinin quşlar sinfinin qutankimilər dəstəsinin vağlar fəsiləsinə aid heyvan cinsi.

Bir növ (Botaurus stellaris Linn., 1758, Böyük danquşu), nominativ yarımnövlə təmsil olunmuşdur. Uzun, ağır dimdiyi, böyük başı və yoğun boynu olan iri quşdur. Rəngi kürən-qonurdur. Ayaqları və dimdiyi yaşılımtıl-sarıdır. Gecə quşu olub, gündüzlər qamışlıqda gizlənərək, demək olar ki, hərəkət etmir. Yalnız ayaq altından uçarkən gözə dəyir. Təhlükə zamanı boynunu və dimdiyini yuxarı uzadıb sıx qamış gövdələri arasında az qala görünməz olaraq gizlənməyə üstünlük verir. Arealı Avropa, Asiya və Şimal-Qərbi Afrikanı əhatə edir. Azərbaycanda qışlama dövründə müşahidə edilir. Sıx qamışlıq basmış göllərdə məskunlaşır. Bəzən yuvalama dövründə də rast gəlinir. Qış vaxtı adi olub, bəzi yerlərdə çoxsaylıdır. Qışlamağa gəlməsi avqustdan başlayır. Çox soyuq illərdə kütləvi tələf olması müşahidə edilir. Fevralın ikinci ongünlüyündən yaz uçuşu başlayır, apreldə sayı nəzərə çarpacaq dərəcədə artır. Balıqlar və başqa heyvanlarla qidalanır. Suyun kənarında hərəkətsiz vəziyyətdə "donmuş şəklində" dayanaraq öz ovunu güdür.

Növləri

Şəkil	Elmi adı	Geniş yayılmış adı	Yayıldığı ərazilər
	Botaurus lentiginosus	American bittern	ABŞ-nin Körfəz Sahili əyalətləri, bütün Florida Everqleydlər, Karib adaları və Mərkəzi Amerikanın bəzi hissələri.
	Botaurus stellaris	Eurasian bittern(ölkəmizdə Böyük danquşu olaraq bilinir)	Avropa və Asiya Britaniya adaları, İsveç və Finlandiyadan şərqə doğru Sibirin şərqindəki Saxalin adasına və Yaponiyanın Hokkaydo adalarına qədər.
	Botaurus pinnatus	Pinnated bittern or South American bittern	Meksikadan Argentinanın şimalına qədər, Qvatemala və Hondurasda çox az sayda qeydə alınıb.
	Botaurus poiciloptilus	Australasian bittern	Avustralya, Tazmanya, Yeni Zelanda, Yeni Kaledonya ve Ouvea.

Nəsli kəsilmiş növləri

• † Botaurus hibbardi

Təsnifatı

Azərbaycanda Danquşu cinsinə 1 növ daxildir:

• Böyük danquşu (Botaurus stellaris Linn., 1758)