Hideyo Noquçi Memorial Muzeyi
| Hideyo Noquçi Memorial Muzeyi | |
|---|---|
 | |
 | |
| Əsası qoyulub | 21 may 1939[1] |
| Ölkə | |
| Yerləşir | İnavaşiro[d] |
| 37°32′10″ şm. e. 140°04′25″ ş. u. | |
| noguchihideyo.or.jp | |
 Vikianbarda əlaqəli mediafayllar | |
Hideyo Noquçi Memorial Muzeyi (野口英世記念館, Noquçi Hideyo Kinenkan?) – Yaponiyanın Fukuşima prefekturasının İnavaşiro qəsəbəsində yerləşən bioqrafik muzey.[2] Muzey Yaponiya bakterioloqu Hideyo Noquçiyə həsr olunmuşdur.[2]
Tarixi
Muzey 1939-cu ildə Hideyo Noquçi Memorial Cəmiyyətinin təşəbbüsü ilə açılmışdır.[3] 2015-ci ildə isə muzeydə yenidənqurma işləri aparılmışdır.[3]
Xüsusiyyətlər
.jpg)
Muzey kompleksinə Noquçinin doğulduğu ev də daxildir və ev xüsusi mühafizə qurğusu ilə yağıntılardan qorunur.[2] Evdə Noquçinin 1896-cı ildə tibb imtihanı üçün Tokioya yola düşməzdən qabaq yazdığı mesajı görmək mümkündür: "Bütün məqsədlərimə çatmadan bu yerə bir daha ayaq basmayacam".[2]
Muzeyin əsas binasında "Hideyonun həyatı və dövrləri", "Əsl Hideyo" və "Həkimin laboratoriyası" adlı daimi sərgi otaqları yerləşir.[2] Hər bir sərgidə alimə aid əşyalar, fotolar və digər materiallar sərgilənir.[2] "Həkim Noquçinin həyatında bir gün" sərgisi onun Rokfeller İnstitutundakı laboratoriya fəaliyyətlərini nümayiş etdirir.[2] Onun Danimarka, Meksika, Peru, Ekvador və Afrikadakı fəaliyyətlərini əks etdirən xronoloji sərgilər quraşdırılmışdır.[2]
"Əsl Hideyo" sərgi otağında Noquçinin Nyu-Yorkun Şandeken qəsəbəsində yerləşən evinin replikası yaradılmışdır.[2] Evin divarları Noquçiyə aid olan rəsmlər və xəttatlıq işləri ilə bəzədilmişdir.[2] "Həkimin laboratoriyası" bölməsində robotik Hideyo Noquçi quraşdırılmışdır.[2] Bu robot ziyarətçilərin Noquçi haqqındakı suallarını cavablandırır.[2] Anası Şikanın 1915-ci ildə Yaponiyaya qayıtması üçün Hideyoya yazdığı məktub da muzeydə sərgilənən materiallardan biridir.[2]
Bunlardan əlavə, muzeyin elmi bölməsində bakteriyalar və yoluxucu xəstəliklərin tədqiqatı haqqında məlumatlar verilir.[2] 1000 yenlik əsginas üçün istifadə olunmuş Noquçi portretinin sərgilənməsi üçün muzeydə kiçik əsginas bölməsi yaradılmışdır.[2]
İstinadlar
- ↑ https://www.noguchihideyo.or.jp/kinenkai/history.html.
- ↑ 1 2 3 4 5 6 7 8 9 10 11 12 13 14 15 "Birthplace of a Bacteriologist: A Visit to the Hideyo Noguchi Memorial Museum in Inawashiro, Fukushima". Nippon.com (ingiliscə). 27 may 2022. 24 noyabr 2022 tarixində arxivləşdirilib. İstifadə tarixi: 24 noyabr 2022.
- ↑ 1 2 "理事長あいさつ". Rəsmi saytı (yaponca). 24 sentyabr 2022 tarixində arxivləşdirilib. İstifadə tarixi: 24 noyabr 2022.
Xarici keçidlər
- noguchihideyo.or.jp — Hideyo Noquçi Memorial Muzeyinin rəsmi saytı