Kamal Ağayev

Kamal Ağayev
Azərbaycan Kommunist Partiyası Cəbrayıl Rayon Komitəsinin birinci katibi
1970 – 1980
Azərbaycan Kommunist Partiyası Qubadlı Rayon Komitəsinin birinci katibi
1965 – 1970
Əvvəlki	Əli Əliyev
Sonrakı	Məsudə Rüstəmova
Ucar Rayon Zəhmətkeş Deputatları Soveti İcraiyyə Komitəsinin sədri
1960 – 1962
Şəxsi məlumatlar
Doğum tarixi	15 iyul 1930(1930-07-15)
Doğum yeri	Qarabörk, Azərbaycan
Vəfat tarixi	27 noyabr 2006(2006-11-27) (76 yaşında)
Vəfat yeri	Bakı, Azərbaycan
Dəfn yeri	Ucar rayonu
Partiya	Sovet İttifaqı Kommunist Partiyası (1955–)
Təhsili	BDU Şərqşünaslıq fakültəsi (1947–1952)
Fəaliyyəti	siyasətçi
Təltifləri

Kamal Ağayev (azərb. Ağayev Kamal Əlibala oğlu‎; 15 iyul 1930, Qarabörk – 27 noyabr 2006, Bakı) — Azərbaycan Kommunist Partiyası Cəbrayıl Rayon və Qubadlı Rayon Komitəsinin birinci katibi, Ucar Rayon Zəhmətkeş Deputatları Soveti İcraiyyə Komitəsinin sədri.

Həyatı

Ağayev Kamal Əlibala oğlu 15 iyul 1930-cu ildə Azərbaycan SSR Ucar rayonunun Qarabörk kəndində anadan olmuşdur. 1947-ci ildə orta məktəbi bitirərək Bakı Dövlət Universitetinin Şərqşünaslıq fakultəsinə daxil olmuşdur. 1952-ci ildə Universiteti müvəffəqiyyətlə bitirmiş və Dövlət Təhlükəsizlik Komitəsinə işə dəvət olunmuşdur.

1954-cü ilə kimi DTK-də müxtəlif vəzifələrdə işləmiş, atasının ölümü ilə əlaqədar həmin ildə öz ərizəsi ilə DTK-dən istefa vermişdir. Doğma rayonuna qayıdan Kamal Ağayev 1961-ci ilə kimi Ucarda müxtəlif vəzifələrdə (rayon komsomol komitəsinin 1-ci katibi, Rayon icrayyə Komitəsinin sədri, Rayon Partiya Komitəsinin 3-cü katibi) işləmişdir.

1963–64-cü illərdə Moskvada Ali Partiya məktəbində təhsil aldıqdan sonra Qubadlı Rayon Partiya Komitəsinin 1-ci katibi seçilmiş və 1970-ci ilə kimi həmin vəzifədə işləmişdir. 1970–80-ci illərdə Cəbrayıl RPK-nin 1-ci katibi işləmişdir. 1980-ci ildən 2002-ci ilə kimi Bakı şəhərində bir sıra məsul vəzifələrdə (Ət-süd sənaye nazirliyində şöbə müdiri,"Bakmoloko" İB-də Baş direktor müavini, Respublika Kolxoz Bazarlarının Baş Direktoru, "Azərittifaq" Sənaye Birliyinin sədrinin müşaviri və s.).

2002-ci ildə təqaüdə çıxmış, 2004-cü ildə Azərbaycan Respublikası Przidentinin sərəncamı ilə fəxri təqaüdə layiq görülmüşdür.

Azərpaycan parlamentinin 4 dəfə dalbadal (6,7,8 və 9-cu çağırış)deputatı seçilmişdir. İşlədiyi dövrdə bir sıra dövlət mükafatları ilə, o cümlədən, 3 dəfə "Qırmızı əmək bayrağı" ordeni, fəxri fərman və medallarla təltif edilmişdir.

27 noyabr 2006-cı ildə Bakı şəhərində vəfat etmiş, Ucar rayonu Qarabörk kəndində dəfn edilmişdir.

Ailəsi

6 övladı var.

Xatirəsinin əbədiləşdirilməsi

Ucar rayonunda onun adına küçə verilmişdir.

Mənbə

• Камал Әлибала оғлу Ағајев // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 24.