Səyyarə Məmmədli

Səyyarə Məmmədli
Səyyarə Oruc qızı Məmmədli
Doğum adı	Səyyarə İsmayılova
Təxəllüsü	Məmmədli
Doğum tarixi	25 yanvar 1961(1961-01-25) (63 yaş)
Doğum yeri	Kəsəmən, Basarkeçər rayonu, Ermənistan SSR, SSRİ
Milliyyəti	azərbaycanlı
Atası	İsmayılov Oruc Məhəmməd oğlu
Təhsili	BDU Kitabxanaşünaslıq-informasiya fakültəsi
Fəaliyyəti	şair-yazıçı
Üzvlüyü	Azərbaycan Yazıçılar Birliyi (2007–), Dədə Ələsgər Ədəbi Məclisi[d]

Səyyarə Oruc qızı Məmmədli (25 yanvar 1961, Kəsəmən, Basarkeçər rayonu) — şair-yazıçı, Azərbaycan Yazıçılar Birliyinin üzvü (2007), Azərbaycan Milli Kitabxanasında şöbə müdiri (2003-indiyədək).

Həyatı

Səyyarə Məmmədli (İsmayılova) 25 yanvar 1961-ci ildə Qərbi Azərbaycanın (indiki Ermənistan Respublikası) Göyçə mahalının Basarkeçər rayonunun Kəsəmən kəndində müəllim ailəsində anadan olub.

1969-cu ildən Basarkeçər rayonu Kəsəmən kənd orta məktəbində oxuyub və 1978-ci ildə həmin məktəbi bitirmişdir.

1979-cu ildə indiki BDU-nun kitabxanaçılıq fakültəsinə qəbul olmuş, 1984-cü ildə isə universiteti bitirmişdir.

2003-cü ildən Azərbaycan Milli Kitabxanasında şöbə müdiri vəzifəsində çalışır.

2007-ci ildən Azərbaycan Yazıçılar Birliyinin üzvüdür. 2013-cü ildə Prezident təqaüdünə layiq görülmüş, 2014-cü ildə AYB-nin və Nəşriyyat-Poliqrafiya Birliyinin birgə keçirdiyi "Ən yaxşı şeir müsabiqəsi"ndə ilk onluqda yer tutmuşdur.

Ailəlidir, 3 övladı var.

Yaradıcılığı

Şeir yazmağa orta məktəb illərindən başlamışdır. Əsasən qoşma, satirik və sərbəst janrlarda yazan Səyyarə Məmmədlinin şeirləri müntəzəm olaraq "Azərbaycan", "Ulduz" jurnallarında, "Ədalət", "Kredo", "525-ci qəzet" və başqa qəzetlərdə dərc olunur.

Kitabları

• "Zamanın əl ağacı", Bakı, "Yurd" NPB, 2007. 232 səh., 250 tiraj.
• "Yalnız qələm dözür ağırlığıma", Bakı, "Vektor Nəşrlər Evi", 2014.
• "Hələ də uzaq bir səyyarəyəm mən". Bakı, "Elm və təhsil", 2020. 188 səh.

Xarici keçidlər

• Dünyanın "sakit" okeanı (şeirlər) (az.)