Tüklüquyruqlu mirikariya

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Tüklüquyruqlu mirikariya
Elmi təsnifat
Beynəlxalq elmi adı

Tüklüquyruqlu mirikariya (lat. Myricaria alopecuroides)

Təbii yayılması

Şərqi Avropa, Orta Asiya, Monqoliya, Himalay, Pamir və Altay ərazilərində bitir.

Botaniki təsviri

Hündürlüyü 2 m-dək, alçaq, şaxələnmiş, düz dayanan, az budaqlı koldur. Ətli gözəl zoğları göyümtül - yaşıl, zərif, çox xırda, sıx oturaq. növbəli yerləşmiş, ətli pulcuqvari görnüşlü yarpaqlarla örtülmüşdür. Maydan avqustadək çiçəkləyir. Xırda, zəif, çəhrayı çoxsaylı- ucda yığılmış sıx çiçəkləri sünbülvari və ya sallaq çiçək qrupları əmələ gətirir. Çiçəkləmə prosesində çiçək qrupları 3-5 dəfə uzanaraq 30-40 sm-ə çatır. Meyvələri eyni vaxtda yetişmir. Oktyabrda meyvələrin qutucuqları yetişdikdə açılır və zoğların ucunda yerləşən tükcüklər dəstəsi ―tülkü quyruqlarına‖ bənzəyir.

Ekologiyası

Çay vadilərində, daşlı-qumlu, çınqıllı sahillərdə rast gəlinir. İşıqsevən, nəmişliyə tələbkar, xəstəlik və zərərvericilərə davamlı bitkidir. Məhsuldar, drenajli sahələrdə yaxşı bitir.

Azərbaycanda yayılması

Böyük və Kiçik Qafqazda, Kür-Araz ovalığında və Naxçıvan MR-da təbii halda rast gəlinir.

İstifadəsi

Bütün vegetasiya dövrü ərzində dekorativ görünüşlüdür. Hündür, çoxillik bitkilərlə qrup əkinləri üçün yararlıdır. Sarımtıl-qonur qabığında təxminən 15% aşılayıcı maddə vardır. Qabığından qara boya alınır və dəri istehsalı üçün istifadə edilir.