Tayvanda təhsil
Tayvanda təhsil (çin. 臺灣教育) — Tayvanda mövcud olan çoxşaxəli təhsil sistemi.
Təhsil sistemi
Tayvanın güclü təhsil sistemi var[1].
Tayvan texnologiya və innovasiyalar ilə maraqlanan tələbələr üçün kifayət qədər ideal bir məkandır[1]. Bu ölkə qabaqcıl texno-sənayesi, bir sıra universitetləri ilə məşhurdur[1]. Əcnəbi tələbələr həm təhsil haqqı və həm də yaşayış xərcləri baxımından sərfəli olan Tayvanda oxumağa üstünlük verirlər[1]. Tayvanın 2016-cı ilə aid Asiya reytinqlərində 34 nümayəndəsi var idi ki, onlardan da 5-i ilk 50-likdə yer almışdır[1].
Ölkənin təhsil sisteminə 3-6 yaşında uşaqların məktəbəqədər tərbiyəsi, 9 illik icbari təhsil, ali təhsil daxildir[2]. 9 illik icbari təhsil də öz növbəsində 6 illik ibtidai məktəb; 3 illik natamam orta məktəb, onu bitirdikdən sonra isə təhsili 3 illik tam orta məktəbdə və ya 3 illik orta peşə məktəbində, yaxud da 5 illik peşə kollecində davam etdirmək olar[2].
Normativ-hüquqi baza
Tayvanda təhsil sistemi tam orta və orta ixtisas təhsili haqqında 2004-cü il tarixli, natamam orta təhsil haqqında 2006-cı il tarixli, qeyri-dövlət məktəbləri haqqında 2006-cı il tarixli, universitetlər haqqında 2007-ci il tarixli qanunlarla tənzimlənir[2].
Kontingent
2005/2006-cı tədris ilində ölkədə 224 mindən çox uşaq məktəbəqədər tərbiyə, 1 milyon 832 mindən çox şagird ibtidai təhsil, 951 mindən çox şagird natamam orta təhsil, 420,6 mindən çox şagird tam orta təhsil, 331,6 mindən çox şagird orta peşə təhsili, təqribən 1 milyon 260 min tələbə isə ali təhsil alırdı[2].
Savadlılıq səviyyəsi
2006-cı ilin məlumatlarına əsasən ölkədə 15 yaşdan yuxarı əhalinin savadlılıq səviyyəsi 96,97% təşkil edirdir[2].
Əsas təhsil müəssisələri
Əsas elmi müəssisələr, iri ali məktəblər, kitabxana və muzeylər paytaxt Taybeylə yanaşı Taynan, Tayçjun şəhərlərində yerləşir[2].
1928-ci ildə yaradılmış Tayvan Milli Universiteti Tayvanın Taybey şəhərinin Daan rayonunda yerləşən ali təhsil müəssisəsidir[3]. Bu universitet ölkənin və Asiyanın ən nüfuzlu ali təhsil ocaqlarından biridir.
Həmçinin Sinçju şəhərində 1896-cı ildən Szyao Tun və 1956-cı ildən Szınxua milli universitetləri, Szilun şəhərində 1953-cü ildən Milli Okean Universiteti, Qaosyun şəhərində 1954-cü ildən Tibb Universiteti və digərləri fəaliyyət göstərir[2].
Həmçinin bax
İstinadlar
- ↑ 1 2 3 4 5 Təhsil Almaq üçün 7 Ən Yaxşı Asiya Ölkəsi Arxivləşdirilib 2018-11-29 at the Wayback Machine. xaricdetehsil.news, 30.06.2016 (az.)
- ↑ 1 2 3 4 5 6 7 Azərbaycan Milli Ensiklopediyası (25 cilddə). 6-cı cild: Çin – Dərk (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2015. səh. 75. ISBN 978-9952-441-11-6.
- ↑ Lamiyə Əliyeva, Dünya universitetləri: Tayvan Milli Universiteti Arxivləşdirilib 2014-09-09 at the Wayback Machine, "Azərbaycan müəllimi" qəzeti, 14.10.2011, № 40. (az.)
Xarici keçidlər
- ROC Ministry of Education
- The History of the Ministry of Education
- Study in Taiwan - Commissioned by the Ministry of Education, Foundation for International Cooperation in Higher Education of Taiwan
- University of Oregon - Study Abroad Programs at Taipei, National Taiwan University Arxivləşdirilib 2014-05-29 at the Wayback Machine
- David on Formosa - International students in Taiwan Arxivləşdirilib 2016-03-31 at the Wayback Machine
- Taiwan looks to double numbers of overseas Mandarin students Arxivləşdirilib 2015-06-10 at the Wayback Machine
- Foreign student numbers almost double since 2007
- TaiWan Advanced Research & Education Network (TWAREN) - run by the National Center for High-Performance Computing
- The Nationwide Teacher In-Service Education Information Web