Uzunsov danaayağı

Uzunsov danaayağı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Baqəvərçiçəklilər Fəsilə: Aroidkimilər Yarımfəsilə: Aroideae Triba: Areae Cins: Danaayağı Növ: Uzunsov danaayağı
Beynəlxalq elmi adı
Arum elongatum Steven, 1857
Şəkil axtarışı NCBI   491971 EOL   1133413

Uzunsov danaayağı (lat. Arum elongatum) — bitkilər aləminin baqəvərçiçəklilər dəstəsinin aroidkimilər fəsiləsinin danaayağı cinsinə aid bitki növü.

Qısa morfoloji təsviri

Çoxillik bitkidir. Kök yumruları yastıtəhərdəyirmidir.Gövdə yarpaq saplağından uzundur. Örtük neştərvaridir, uzanmışdır,xaricdən yaşıl və ya tünd qırmızıdır, sivri sonluğu gərilmişdir. Yarpaqları saplaqdan qısadır,uzanmış-nizəşəkilli formadadır, orta bölümü kütləşmişdir, uzunsovdur, kənardakılar 2-3 dəfə qısadır, qabarıq və ya geriyə qatlanmışdır. Qıça törəmələri iyşəkillidir, qısa saplaq üzərindədir, qalındır və uzunluğu 20 sm-ə qədərdir, örtükdən azacıq qısadır,bənövşəyi və ya tünd-qırmızı rəngdədir. May ayında çiçəkləyir və elə may ayında da meyvə verir.

Azərbaycanda yayılması

Otlu yamaclarda, dərələrdə, kolluqlarda və meşədə bitir. BQ (Quba), Qobustan, BQ şərq, Kür düzənliyi, KQ (hər yerində) Naxç. dağlıq, Lənk. dağ. Ovalıqdan orta dağ qurşağına qədər.

Yaşayış mühiti

Otlu yamaclarda,kolluqlarda rast gəlinir.

Təsərrüfat əhəmiyyəti

Bitkinin bütün hissələrində zəhərli maddə vardır. Kök yumruları nişasta ilə zəngindir, quruduqdan sonra öz zəhərli təsirini itirir və qida üçün yararlı olur.