Xalid Kazımov

Xalid Kazımov
Doğum tarixi	2 oktyabr 1978(1978-10-02) (45 yaş)
Doğum yeri	Başlıbel, Kəlbəcər rayonu, Azərbaycan SSR, SSRİ
Fəaliyyəti	jurnalist

Kazımov Xalid Vahid oğlu (Xalid Vahidoğlu) — Regional İnsan Hüquqları və Media Mərkəzinin sədri.

Həyatı

Xalid Kazımov 1978-ci il oktyabrın 2-də dünyaya gəlib. 1996-cı ildə Azərbaycan Dövlət Pedaqoji Universitetinin Filologiya fakültəsinə daxil olub, 2000-ci ildə bu fakültəni bitirib. 2008-ci ildə Bakı Dövlət Universitetində Azərbaycan dili ixtisası üzrə magistr dərəcəsi alıb. Tələbəlik illərindən ictimi-siyasi proseslərdə fəallıq göstərib. 1998-ci ildən mətbuatda çalışır. Mətbuatda yüzlərlə araşdırma yazısının müəllifidir. Apardığı jurnalist araşdırmalarına görə dəfələrlə mükafatlandırılıb. 2008-ci ilin sentyabrında Regional İnsan Hüquqları və Media Mərkəzini (http://regionalhumanrights.org ) təsis edib və hazırda həmin mərkəzə rəhbərlik edir. Onun rəhbərliyi ilə təşkilat beynəlxalq və yerli donorların dəstəyi ilə 10-dək layihəni uğurla icra edib.

Üç elmi, 150-dən çox publisistik məqalənin müəllifidir.

Evlidir, 2 övladı var.

Siyasi fəaliyyəti

2000-ci il parlament seçkilərində Xalid Kazımov Müsavat Partiyasının proporsional seçki üzrə vahid namizədlər siyahısında partiya daxili keçirilmiş praymerizə əsasən 24-cü sırada olmuşdur. Müsavat Partiyası proporsional seçkilər üzrə 140 546 səs (ümumi səslərin 4,85%-i) toplamış, lakin 6%-lik seçki həddini keçə bilmədiyi üçün mandat qazana bilməmişdir. Beləliklə, Xalid Kazımov deputat seçilə bilməmişdir.

Kitabları

• "Başlıbel faciəsi: erməni vəhşilikləri şahidlərin dili ilə".

İstinadlar

• [1]
• http://www.azadliq.org/content/article/2014802.html
• http://regionalhumanrights.org/?p=521 Arxivləşdirilib 2015-02-16 at the Wayback Machine
• http://regionalhumanrights.org/az/?p=806 Arxivləşdirilib 2016-03-04 at the Wayback Machine