Hakim Həsənov
Hakim Həsənov | |
---|---|
Hakim Cəmiyağa oğlu Həsənov | |
Doğum tarixi | |
Doğum yeri | Azərbaycan SSR‚ Masallı rayonu‚ Qasımlı kəndi |
Vəfat tarixi | (19 yaşında) |
Vəfat yeri | Azərbaycan‚ Laçın bölgəsi‚ Qızartı kəndi. |
Vəfat səbəbi | Qarabağ müharibəsi uğrunda döyüşlərdə şəhid olmuş |
Dəfn yeri | |
Atası | Həsənov Cəmiyağa Məmməd oğlu - 13.02.1939-07.05.2018 |
Milliyyəti | Azərbaycan türkü |
Hakim Cəmiyağa oğlu Həsənov (1973–1993) — şəhid.
Həyatı[redaktə | mənbəni redaktə et]
Hakim Həsənov 1973-cü ilin oktyabrın 25-də Masallı rayonunun Qasımlı kəndində anadan olmuşdur. 1990-cı ildə Yeddioymaq kənd orta məktəbinin, 1991-ci ilin oktyabrında isə Bakı Dənizçilik Məktəbini bitirmişdir. Hakim 1992-ci il iyulun 5-də Azərbaycan Milli Ordusun Qusar batolyonunda hərbi xidmətə başlamışdır. Füzuli bölgəsində ermənilərə qarşı vuruşmuş, sentyabr ayında Qubadlı-Laçın bölgəsində gedən qızğın döyüşlərdə fəal iştirak etmiş, Muradxanlı, Güləbird, Aşağı Fərəcan, Yuxarı Fərəcan, Mavutulu, Səfiyan, Türklər kəndlərinin erməni quldurlarından təmizlənməsində böyük şücaət göstərmişdir. Hakim Füzuli, Laçın, Qubadlı və Zəngilan bölgələrində onlarla yaralı və meydin döyüş zonasından çıxarılmasına nail olmuşdur. Ona Komandirlər tərəfindən qoçaqlığına və cəsurluğuna görə təşəkkür edilmiş, iki dəfə məzuniyyət verilmişdir. Lakin o döyüş yoldaşlarından ayrılmamış, məzuniyyətə getməkdən imtina etmişdir. Hakim 1993-cü il aprelin 5-də Laçın bölgəsinin Qızartı kəndini erməni qəsbkarlarından azad edərək qəhrəmancasına həlak olmuş, Qasımlı kənd qəbiristanlığında dəfn edilmişdir.
Qasımlı kənd orta məktəbinə Hakim Həsənovun adı verilmişdir. Subay idi. [1],[2]
İstinadlar[redaktə | mənbəni redaktə et]
- ↑ "Arxivlənmiş surət". 2016-03-04 tarixində orijinalından arxivləşdirilib. İstifadə tarixi: 2015-12-23.
- ↑ "Vətən uğrunda". 2018-11-29 tarixində orijinalından arxivləşdirilib. İstifadə tarixi: 2018-11-28.