Üvezpınar — Türkiyədə, Yalova vilayətinin Termal rayonunda məhəllə. Məhəllədəki fontan hər il Superliqada çempion olan komandanın rənglərinə boyanır.[1] Məhəllə əhalisi laz dilinin hopa ləhcəsində danışır.[2] Məhəllədə təhsil fəaliyyətinə 1934-cü ildən başlanılmışdır. Məktəb binası 1944-cü ildə dəyişdirilmişdir.[3] 1967-ci ildə məhəllədəki ibtidai məktəbdə 71 şagird oxuyur, 2 müəllim işləyirdi.[4]
| Üvezpınar | |
|---|---|
1893-cü il müharibəsindən sonra məhəlləyə xeyli laz əhalisi köçmüşdür.[5] Türkiyə İstiqlaliyyət müharibəsi zamanı məhəllə rumlar tərəfindən yandırılmış və məhəllə əhalisi qismən qətlə yetirilmişdir.[6] Məhəllə 1910-cu ildən eyni addadır.[7] Əvvəllər Göyçədərə kəndinin məhəlləsi olduğu halda, 9 iyul 1949-cu ildə kənd statusu almışdır.[8] 26 may 1992-ci ildə Göyçədərə ilə birlikdə Termal adı ilə qurulan bələdiyyənin məhəlləsinə çevrilmişdir.[9]