Üzən buğa

Üzən boğa (əvvəlki adı: Kara şahin, indiki adı Ferdinand) — 2018 Qurban bayramının birinci günü Rizenin İyidere ilçəsində Hazar məhəlləsində qurulan qurbanlıq heyvan bazarından qaçan, bayramın dördüncü günündə 23 kilometr uzaqlıqdakı Trabzonun Sürmene ilçəsi sahilində tapılan, Sahil mühafizə qrupları tərəfindən xilas edilən qurbanlıq buğa.[1]

Qaçması[redaktə | mənbəni redaktə et]

2018-ci ildə keçirilən Qurban bayramı zamanı Türkiyədə bir qurbanlıq buğa xeyli məşhurlaşıb. Belə ki, "Kara şahin" adlı buğa Qurban bayramının birinci günü təxminən saat 10-da Rizedə — İyidere ilçəsinin Hazar məhəlləsində qurulan qurbanlıq heyvan bazarında bağlı olduğu ipdən qurtulub, 5 metr yüksəkliyindəki divardan atlayaraq, düşdüyü dərədən qaçıb, qurban kəsilməkdən xilas olmuşdur.

Buğanın sahibləri olan Metin Yalçın və Zekeriya Balık adlı ortaqlar onu tapa bilmədikləri üçün jandarmaya müraciət edirlər. Axtarış işləri davam edərkən, bəzi şahidlər buğanı dənizdə üzərkən gördüklərini bildirirlər. Heyvan sahibləri onu Rize və Trabzon arasındakı sahil xəttində axtarırlar.

Buğa bayramın dördüncü günündə 23 kilometr uzaqlıqdakı Trabzonun Sürmene ilçəsində dənizin sahilində görünür. İnsanların yaxınlaşdığını görən qurbanlıq buğa, onlardan ürkərək dənizə girir. Hətta balıqçı qayığının yaxınlığına qədər üzür. Bundan sonra balıqçıların da yardımı ilə Sahil mühafizə qrupları tərəfindən xilas edilən qurbanlıq buğa baytarlıq nəzarətindən sonra sahiblərinə təhvil verilir.

Baş verən hadisədən sonra buğanın sahibləri onu kəsməyəcəklərini bildirirlər.[2]

Yeni sahibi[redaktə | mənbəni redaktə et]

Haluk Levent

Bu barədə mediada xəbərlərin yayılmasından sonra türk rok ifaçısı Haluk Levent özünün "Twitter" hesabında dənizdə üzən və 23 kilometr yol qət edərək qurban edilməkdən xilas olan buğanı alıb, bəsləmək istədiyini bildirir. Daha sonra buğanı satın alan Haluk Levent[3] yenidən "Twitter" hesabında belə yazır: "Buğanı satın aldıq. İzmir Kemalpaşa ev hayvanları sığınacağına göndərməyi qərara aldıq".[1]

Haluk Levent "Kara Şahin" adlı buğanın adını dəyişdirərək 1980-ci illərin çizgi film qəhrəmanı olan "Ferdinand" etdi.[3]

İstinadlar[redaktə | mənbəni redaktə et]

  1. ↑ 1 2 Rize'den Trabzon'a yüzen boğanın sahibi kararını verdi Arxivləşdirilib 2018-09-01 at the Wayback Machine. dha.com.tr, 27.08.2018
  2. ↑ Rize'den Trabzon'a yüzen boğa kesilmeyecek Arxivləşdirilib 2018-09-01 at the Wayback Machine. ensonhaber.com
  3. ↑ 1 2 'Ferdinand' kankasını İzmir'de buldu! Arxivləşdirilib 2018-09-03 at the Wayback Machine. kanalben.com

Xarici keçidlər[redaktə | mənbəni redaktə et]