İgidliyin əbədidir sənin (film, 1971)
Film İkinci Dünya müharibəsi illərində Ukrayna torpağında qəhrəmanlıqla vuruşub həlak olmuş döyüşçü Xanlar Babanlıya həsr olunmuşdur
| İgidliyin əbədidir sənin | |
|---|---|
| Janr | bioqrafik |
| Rejissor | Zeynəb Kazımova |
| Ssenari müəllifi | Fəraməz Səfiyev |
| Operator | Əlibala Ələkbərov |
| İstehsalçı | "Azərbaycanfilm" Kinostudiyası |
| Filmin növü | qısametrajlı sənədli film |
| Ölkələr |
 SSRİ |
| İl | 1971 |
| Texniki məlumatlar |
1 hissə 289 metr 35 mm |
Məzmun
[redaktə | mənbəni redaktə et]Filmi çəkərkən cəsur döyüşçünün portretini yaratmaq üçün müəlliflərin əlində material yox idi. Ona görə də onlar X.Babanlı və onun döyüş dostlarının vuruşduqları yerlərdən keçməli olmuşlar.
Burada müəlliflər bizim qəhrəmanı yaxşı tanıyan partizan dəstəsinin komandiri və onun qardaşı, sovet kəşfiyyatçısı ilə görüşmüş, Xanlara məxsus bəzi əşyalarının saxlandığı Krivoy Roq muzeyində olmuş, Xanların Azərbaycanda yaşayan yoldaşları ilə söhbət etmişlər.
Məlum olmuşdur ki, X.Babanlı müharibəyə qədər Azərbaycan Dövlət Filarmoniyasında aktyor işləmiş, müharibə illərində isə özünün düzəltdiyi saxta sənədlərlə faşistlərin arasında sərbəst gəzmiş, çoxlu əməliyyatlar həyata keçirmişdir.
Filmin heyəti
[redaktə | mənbəni redaktə et]Film üzərində işləyənlər
[redaktə | mənbəni redaktə et]- Rejissor: Zeynəb Kazımova
- Ssenari müəllifi: Fəraməz Səfiyev
- Operator: Əlibala Ələkbərov
- Səs operatoru: Akif Nuriyev
Mənbə
[redaktə | mənbəni redaktə et]- Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 235-258.