İldırım Teymur oğlu Məmmədov (1951, Qapanlı, Mirbəşir rayonu – 2012, Bakı) — Azərbaycanın məşhur eksperti, ehtiyatda olan polkovnik, Qarabağ müharibəsi iştirakçısı, Hərbi Analitik Tədqiqatlar Mərkəzinin direktoru.
İldırım Məmmədov | |
---|---|
İldırım Məmmədov | |
Şəxsi məlumatlar | |
Doğum tarixi | 1951 |
Doğum yeri | |
Vəfat tarixi | 2012 |
Vəfat yeri | |
Vətəndaşlığı | |
Milliyyəti | azərbaycanlı |
İldırım Məmmədov 1951-ci ildə Tərtərin Qapanlı kəndində anadan olub[1]. 1970-1971-ci illərdə Almaniyadakı Sovet qoşunları qrupunda xidmət edib. 1971-1975-ci illərdə Novosibirsk Ali Hərbi Ümumqoşun Siyasi Məktəbində təhsil alıb. 1975-ci ildən 1986-cı ilədək Uzaq Şərq Hərbi Dairəsində müxtəlif vəzifələrdə çalışıb. 1980-ci ildə Kiyevdə təkmilləşdirmə kursunu bitirib. 1984-1988-ci illərdə Moskva Hərbi Akademiyasının ümumqoşun fakültəsində təhsil alıb. 1989-cu ildə Marşal Şapoşnikov adına Baş Qərargah Akademiyasının atəş kursunu bitirib. 4 alayda komandir müavini olub.
1991-ci ilin noyabrından Azərbaycan Silahlı Qüvvələrində xidmətə başlayıb. 1996-1998-ci illərdə hərbi hissə komandiri olub. 1999-2002-ci illərdə Ali Hərbi Məktəbdə baş müəllim vəzifəsində çalışıb. 2007-ci ildən vəfat edənə qədər Hərbi Analitik Tədqiqatlar Mərkəzinin direktoru idi.
İ.Məmmədov "SeDEP" QHT-lər Koalisiyasının İdarə Heyətinin üzvü idi[2].
İldırım Məmmədov 17 avqust 2012-ci ildə 61 yaşında ürək tutmasından dünyasını dəyişmişdir. İ.Məmmədov doğulduğu Tərtərin Qapanlı kəndində dəfn olunmuşdur.
Ailəli idi, 6 uşağı var.