İsa Məmmədov (rəssam)

Vikipediyada bu ad-soyadlı digər şəxslər haqqında da məqalələr var; bax: İsa Məmmədov.

İsa Məmməd oğlu Məmmədov (5 mart 1956[1], Qafan rayonu – 23 iyun 2024) — Azərbaycanın əməkdar rəssamı (2021).

İsa Məmmədov
Doğum tarixi 5 mart 1956(1956-03-05)[1]
Doğum yeri
Vəfat tarixi 23 iyun 2024(2024-06-23) (68 yaşında)
Fəaliyyəti rəssam
Təhsili
Üzvlüyü
Mükafatları Azərbaycan Respublikasının əməkdar rəssamı

Həyatı

[redaktə | mənbəni redaktə et]

İsa Məmmədov 1956-cı ildə Zəngəzur mahalının Qafan rayonunda dünyaya göz açıb. İsa Məmmədov ixtisas təhsilini əvvəlcə Əzim Əzimzadə adına Azərbaycan Dövlət Rəssamlıq Məktəbində (1974–1979) almış, sonra isə Azərbaycan Dövlət İncəsənət İnstitutunun rəngkarlıq fakültəsini (1982–1988) bitirmişdir.[2]

Yaradıcılığında daha çox mənzərə janrına üstünlük verir. Bu mənada onun "Bakı mənzərəsi" (2005), "Şəki motivi" (2006), "Dənizkənarı milli park" (2007), "Paytaxtın Nizami küçəsi" (2006), "Payız" (2007) əsərlərini xüsusi qeyd etmək olar.[2]

İsa Məmmədovun sevimli mövzularından biri də yaşadığı şəhərin tərənnümü idi. Bu baxımdan onun "Bakı motivi" (2005), "Vağzalyanı meydan" (2006), "Bakı mənzərəsi" (2006), "Fəvvarələr meydanı" (2006), "Üç qız parkı" (2006), "Bakı. Bizim küçə" (2007), "Bakının Milli parkı" (2007), "Bakı vağzalı" (2007), "Payız" (2007), "Bakı" (2009), "Bakı mənzərəsi" (2010) və s. əsərlərini qeyd etmək olar.[3]

İsa Məmmədov hal-hazırda Azərbaycan Dövlət Rəssamlıq Akademiyasının "Rəngkarlıq" kafedrasında baş müəllim vəzifəsində çalışıb. Azərbaycan Rəssamlar İttifaqının və YUNESKO-nun nəzdindəki rəssamlar birliyinin üzvü idi.[4]

2007-ci ildə İstambulda, 2009 və 2010-cu illərdə Almaniyanın Berlin şəhərində, 2010-cu ildə isə Türkiyənin İstanbul şəhərində fərdi sərgiləri təşkil olunub. 2011-ci ilin aprelində, 2016-cı ilin fevralında və aprelində Azərbaycan Rəssamlar İttifaqının Vəcihə Səmədova adına salonunda fərdi yaradıcılıq sərgiləri təşkil olunub. 2017-ci ildə Almaniyada "Narlar və uca dağlar" adlı sərgidə əsərləri yer alıb.[5][6][7]

2021-ci ilin oktyabr ayında Əməkdar rəssam fəxri adına layiq görülüb.[8]

2024-cü il 23 iyun tarixində vəfat edib.[9]

İstinadlar

[redaktə | mənbəni redaktə et]
  1. ↑ 1 2 Sözün bitdiyi an rənglər danışır... // https://medeniyyet.az/page/news/66706/.html.
  2. ↑ 1 2 "Mənsərə ustası İsa Məmmədovun yaradıcılığı haqqında düşüncələr" (PDF). www.anl.az. 2024-06-23 tarixində arxivləşdirilib (PDF). İstifadə tarixi: 2024-06-23.
  3. ↑ "Əməkdar rəssam İsa Məmmədov - Sözün bitdiyi an rənglər danışır..." www.anl.az. İstifadə tarixi: 2024-06-23.
  4. ↑ Xəlilov, A. Lirik duyğuların ifadəçisi [Rəssam İsa Məmmədov haqqında] //Palitra.- 2011.- 8 iyun.- səh. 12.
  5. ↑ "Qgallery - İsa Məmmədov". qgallery.net. 2024-06-23 tarixində arxivləşdirilib. İstifadə tarixi: 2024-06-23.
  6. ↑ "Tanınmış rəssam İsa Məmmədovun fərdi sərgisi açılıb". Teleqraf.com (az.). 2016-02-19. 2024-06-23 tarixində arxivləşdirilib. İstifadə tarixi: 2024-06-23.
  7. ↑ "İsa Məmmədova - medeniyyet.az". Medeniyyet.az.
  8. ↑ "Prezident fəxri adlar verdi - SİYAHI". Modern.az. 2024-02-02 tarixində arxivləşdirilib. İstifadə tarixi: 2024-06-23.
  9. ↑ "Əməkdar rəssam İsa Məmmədov vəfat edib". Oxu.az (az.). 2024-06-23 tarixində arxivləşdirilib. İstifadə tarixi: 2024-06-23.