Şahanə Nəzərova

Şahanə Nəzərova (28 may 2001; Siyəzən, Azərbaycan) — Azərbaycanı təmsil edən güləşçi.

Şahanə Nəzərova
Şəxsi məlumatlar
Tam adı Şahanə Nəzərova
Vətəndaşlığı Azərbaycan Azərbaycan
Doğum tarixi (23 yaş)
Doğum yeri Siyəzən, Azərbaycan
İdman növü Güləş
Medallar

Yeniyetmələr arasında dünya və Avropa çempionu, Yay Olimpiya Oyunlarının bürünc mükafatçısı.

Həyatı

[redaktə | mənbəni redaktə et]

Şahanə Nəzərova 2001-ci il mayın 28-də Siyəzən şəhərində anadan olub[1]. 2007-ci ildən idmanla məşğul olur. Məşqçisi Ağadədə Allahverdiyevdir[1].

Karyerası

[redaktə | mənbəni redaktə et]

2017-ci il 28-30 aprel tarixlərində Türkiyənin İzmir şəhərində[2] keçirilən ənənəvi "Zəfər" kubokunda qızıl medala layiq görülüb[1].

2017-ci il 24-30 iyul tarixlərində Bosniya və Herseqovinanın paytaxtı Sarayevo şəhərində keçirilən[3] yeniyetmə güləşçilər arasında Avropa birinciliyində Azərbaycanı təmsil edib. 1/4 final mərhələsində Bolqarıstan təmsilçisi Dimitrinka Sergeyeva ilə qarşılaşaraq onu tam üstünlüklə, yarımfinalda isə Ukrayna təmsilçisi Mariya Tomisiçi 8:0 hesabı ilə məğlub edib. Final görüşündə Luçana Bekbaulovanı tam üstünlüklə məğlub edərək qızıl medala layiq görülüb[4].

2017-ci il sentyabr ayında Yunanıstanın paytaxtı Afina şəhərində keçirilən yeniyetmə güləşçilərin Dünya çempionatında Azərbaycanı təmsil edib[5]. İlk görüşdə Yaponiya təmsilçisi Karin Uematsunu tam üstünlüklə, Rusiya təmsilçisi Luçana Bekbaulovanı tam üstünlüklə məğlub edib. Final görüşündə isə Mariya Tomisiçi tam üstünlüklə məğlub edərək qızıl medal alıb[4].

2018-ci ildə 43 kq çəki dərəcəsində Şimali Makedoniyanın paytaxtı Skopye şəhərində yeniyetmə güləşçilər arasında Avropa çempionatında çıxış edib. İlk görüşündə Bolqarıstan təmsilçisi Stoyanova İzabeli tam üstünlüklə, 1/4 final mərhələsində Fransa təmsilçisi Castin Viquroksu tam üstünlüklə, yarımfinal mərhələsində Rusiya təmsilçisi Luçana Bekbaulovanı 5:0 hesabı ilə məğlub edib. Final mərhələsində Belarusiya təmsilçisi Valerya Kapustsinaya 2-2 xal hesabı ilə məğlub olaraq gümüş medala sahib çıxıb.

2018-ci ildə 43 kq çəki dərəcəsində Xorvatiyanın paytaxtı Zaqreb şəhərində yeniyetmə güləşçilər arasında Dünya çempionatında çıxış edib. İlk görüşündə Yaponiya təmsilçisi Anna Uenonu 2-9, 1/4 final mərhələsində Fransa təmsilçisi Castin Viquroksu 6-0, yarımfinal mərhələsində Ukrayna təmsilçisi Amina Ponomarovanı tam üstünlüklə məğlub edib. Final mərhələsində Amerika təmsilçisi Emili Şilsona tam hesabla məğlub olaraq gümüş medala sahib çıxıb.

2018-ci ildə Argentinanın Buenos-Ayres şəhərində baş tutan Yeniyetmələrin III Yay Olimpiya Oyunlarında Azərbaycanı təmsil edib[6]. Birinci görüşdə onun rəqibi Braziliya nümayəndəsi Heloisa Martinez oldu.[7] Həmin görüşdə Şahanə Nəzərova rəqibinə 11:0 hesabı ilə qalib gəldi.[7] Növbəti görüşdə onun rəqibi Nigeriya nümayəndəsi Kristiana Oqunsanya oldu.[7] Bu görüşdə də Şahanə Nəzərova rəqibinə 6:0 hesabı ilə qalib gəldi [7] Üçüncü görüşdə Şahanə Nəzərova Birləşmiş Ştatlar nümayəndəsi Emili Şilson ilə üz-üzə gəldi və rəqibinə 2:12 hesabı ilə məğlub oldu.[7] Qrup mərhələsinin sonuncu görüşündə isə Fransa nümayəndəsi Castin Viqurux ilə üz-üzə gələrək onu 1:0 hesabı ilə məğlub edib. Bürün medal uğrunda gedən qarşılaşmada Monqolustanı təmsil edən Enxluz Batbaatarı 7:6 hesabı ilə məğlub edərək bürünc medal qazanıb.[7]

İstinadlar

[redaktə | mənbəni redaktə et]
  1. ↑ 1 2 3 "Afinanı üç dəqiqəyə fəth edən Şəhanə - Portret". kaspi.az (az.). 2023-08-04 tarixində arxivləşdirilib. İstifadə tarixi: 2023-08-04.
  2. ↑ "20. Uluslarası Zafer Kupası Turnuvası İzmir'de Başlıyor | TGF" (türk). 2023-08-04 tarixində arxivləşdirilib. İstifadə tarixi: 2023-08-04.
  3. ↑ "Yeniyetmələrimiz Avropa birinciliyində yeni qaydalarla güləşəcək". Sportinfo.Az (az.). 2017-07-22. 2023-08-04 tarixində arxivləşdirilib. İstifadə tarixi: 2023-08-04.
  4. ↑ 1 2 "NAZAROVA Shahana profile page". uww.org (ingilis). 2023-08-04 tarixində arxivləşdirilib. İstifadə tarixi: 2023-08-04.
  5. ↑ "Şəhanə Nəzərova dünya çempionu olub". Butov.az. 2023-08-04 tarixində arxivləşdirilib. İstifadə tarixi: 2023-08-04.
  6. ↑ Olimpiya dünyası qəzeti. "Buenos-Ayres 2018 — Yeniyetmələrin III Yay Olimpiya Oyunları" (PDF). www.olimpnews.az ( (az.)). 01.11.2022. Archived from the original on 2022-10-30. İstifadə tarixi: 01.11.2022.
  7. ↑ 1 2 3 4 5 6 Azerisport.com idman portalı. "Шахана Назарова завоевала бронзу на Юношеской Олимпиады". www.azerisport.com ( (rus.)). 01.11.2022. 2022-10-30 tarixində arxivləşdirilib. İstifadə tarixi: 01.11.2022.