Şahzadə Aleksandr (III Leopoldun oğlu)
Şahzadə Aleksandr Emanuel Henri Albert Mari Leopold (fr. Alexandre Emmanuel Henri Albert Marie Léopold de Belgique; 18 iyul 1942[1], Laken sarayı[d][1] – 29 noyabr 2009[2][1]) — Belçika kralı III Leopoldun ikinci evliliyindən doğulan oğlu, Belçika şahzadəsi. Kralın gizli evliliyindən dünyaya gəlməsi səbəbilə, şahzadə titulu daşımasına baxmayaraq Belçika taxt-tacından məhrum edilmişdir.
| Şahzadə Aleksandr | |
|---|---|
.jpg) | |
| Şəxsi məlumatlar | |
| Doğum tarixi | 18 iyul 1942[1] |
| Doğum yeri | |
| Vəfat tarixi | 29 noyabr 2009[2][1] (67 yaşında) |
| Vəfat səbəbi | ağciyər arteriyasının tromboembolizmi[1] |
| Fəaliyyəti | əsilzadə |
| Atası | III Leopold[1][3] |
| Anası | Mariya Lilyan Bael[1][3] |
 Vikianbarda əlaqəli mediafayllar | |
18 iyul 1942-ci ildə Laykendə dünyaya gəldi. Atası Belçika kralı III Leopold, anası isə onun gizlicə evləndiyi ikinci xanımı Mariya Lilyan Baeldir. Vəftiz anası isə ögey bacısı olan Jozefina-Şarlottadır. Uşaqlığının ilk illəri ağır keçdi. Belə ki, ölkənin nasistlər tərəfindən işağl edilməsinin ardından ailəsiylə birlikdə göz altına alındılar. 1944-cü ildə baş tutan Normandiya əməliyyatından sonra isə ailəsiylə birlikdə alınaraq Saksoniyadakı malikanələrin birinə həbs edildilər. 1945-ci ildə amerikalılar tərəfindən azadlığa buraxılsalar da, ölkəyə dönmələri 1950-ci ildə keçirilən referendumdan sonra gerçəkləşdi. Çox keçmədən isə atası III Leopold, ilk evliliyindən doğulan böyük oğlu Boduenin lehinə taxtdan çəkildi.
Valideynlərinin gizlicə evlənməsi səbəbilə Aleksandr və ondan sonra dünyaya gələn 2 bacısı kralın rəsmi övladları olaraq qəbul edilsələr də, Belçika taxt-tacından məhrum edildilər. Doğuşdan etibarən ciddi ürək çatışmazlığı olan Aleksandr ABŞ-da əməliyyat olundu. 14 mart 1991-ci ildə Böyük Britaniyanın Suffolk əyalətində, daha öncə 2 dəfə evlənmiş polyak əsilli Lea Uolmanla nigahlandı. Anasının buna etiraz etməsindən çəkindiyi üçün evlilik 1998-ci ilədək gizli tutuldu. Xanımının öncəki evliliklərindən 2 övladı olsa da, cütlüyün bu nigahdan uşağı olmadı.
29 noyabr 2009-cu ildə ağciyər arteriyasının tromboembolizmi səbəbilə Belçikada vəfat etdi. 4 dekabrda tərtib olunan cənazə mərasiminin ardından cənazəsi Laykendəki ailə məzarlığına dəfn olundu.
Mənbə
[redaktə | mənbəni redaktə et]- Séguy, Philippe (2008-04-29). "Léa de Belgique: Il faut en finir avec le malheur". Point de Vue (in French): 18–21
- "A wife loved by a king but not her people". The Sydney Morning Herald. 20 June 2002
- "H R H Princess Liliane of Belgium". The Daily Telegraph. 10 June 2002
- Geais, Pierrick (12 February 2021). "L'histoire d'amour du roi Léopold III qui a scandalisé la Belgique". Vanity Fair (in French)
İstinadlar
[redaktə | mənbəni redaktə et]- ↑ 1 2 3 4 5 6 7 8 9 Lundy D. R. Alexandre Emmanuel de Belgique, Prince de Belgique // The Peerage (ing.).
- ↑ 1 2 http://www.telegraph.co.uk/news/obituaries/royalty-obituaries/6835065/HRH-Prince-Alexandre-of-the-Belgians.html.
- ↑ 1 2 The Royal Family: History - King Leopold III.