Şartr

Şartr^[4] (fr. Chartres) — Fransanın şimal-qərbində Sentre bölgəsində Eure-et-Lur rayonunun mərkəzi şəhəri.

Şartr
Chartres
Gerb
48°26′48″ şm. e. 1°29′18″ ş. u.
Ölkə	Fransa
Tarixi və coğrafiyası
Sahəsi	16,85 km²[1]
Mərkəzin hündürlüyü	142 m
Saat qurşağı	UTC+01:00 UTC+02:00
Əhalisi
Əhalisi	38.447 nəf. (1 yanvar 2021)[2]
Rəqəmsal identifikatorlar
Poçt indeksi	28000[3][3]
Digər
chartres.fr
Xəritəni göstər/gizlə Şartr
Vikianbarda əlaqəli mediafayllar

Parisin 96 km cənub-qərbində, Eure çayınınn sol sahilində qurulmuşdur. Burada yerləşən məşhur kilsənin qüllələri Beauce ovalığının simvoludur. Müasir şəhər son zamanlarda yaxınlıqdakı ovalığa və Bretaniyaya doğru uzanmışdır. Bu ovalıq Parislə Loire vadisi arasında mühüm keçiddir.

Məşhur Şartr kilsəsindən başqa burada böyük ölçüdə 13-cü əsrdə tikilmiş Saint Pierre kilsəsi də var. 17-18-ci əsrlərdən qalmış keçmiş Yepiskop Sarayı muzeyə çevrilmişdir.

Adını Keltlətin Karnutes nəslindən alan şəhər əvvəllər Druidlərin mərkəzi olmuşdur.858-ci ildə şəhər Normanlar tərəfindən yandırılmışdır.Orta əsrdə Blois və Şampan ailələrinin idarəsində qraflıq olmuşdur. 1286-cı ildə Fransa kralına satılmış, Yüzillik müharibədə (1337-1453) isə ingilislər şəhəri 15 il müddətinə işğal etmişlər. 1528-ci ildə I.Fransisk şəhəri hersoqluğa çevirmişdir. Din müharibələrində Şartra hücum edən protestantlar uğur əldə edə bilməyiblər. 1594-cü ildə burada IV.Henrinin tacqoyma mərasimi keçirilmişdir.

Şəhərdə gübrə və kənd təsərrüfatı alətləri sənayesi inkişaf etmişdir. Digər sənaye məhsulları arasında ətir, pivə, avto aksessuar və elektronika materialları vardır. Parisə yaxın yerləşməsi şəhərin iqtisadi inkişafını sürətləndirmişdir.