Şimali Makedoniya Dövlət Arxivi

Şimali Makedoniya Dövlət Arxivi (mak. Државен архив на Република Северна Македонија) — Skopye şəhərində yerləşən Şimali Makedoniya Milli Arxivi.

Şimali Makedoniya Dövlət Arxivi
mak. Државен архив на Република Северна Македонија
Əsası qoyulub	1946
Ölkə	Şimali Makedoniya
Yerləşir	Skopye, Şimali Makedoniya
Ünvan	кеј Димитар Влахов бр.19
Telefon	+389 2 3237 211[1]
41°59′48″ şm. e. 21°26′03″ ş. u.
arhiv.mk
Vikianbarda əlaqəli mediafayllar

1946-cı ildə qurulmasından əvvəl arxivlər 1926-1941-ci illər arasında Serbiya Arxivində yerləşirdi. 3 may 1945-ci ildə Makedoniya Xalq Qurtuluş Ordusu arxiv kolleksiyasının Müqəddəs Klement Ohridlinin Kitabxanasında saxlanılmasına qərar verdi. Lakin kolleksiya kitabxanaya verilmədi və 31 may 1946-cı ildə Şimali Makedoniya Dövlət Arxivi quruldu.

Dövlət Arxivi yaradıldıqdan sonra dərhal Şimali Makedoniyada ümummilli arxiv şəbəkəsinin yaradılması üzərində işlər başladı. Bitola, Kumanovo, Oxrid, Prilep, Skopye, Strumitsa, Tetovo, Veles və Ştip şəhərlərində regional təşkilatlar yaradıldı.

Şimali Makedoniya Dövlət Arxivində mikrofilm laboratoriyası ilə yanaşı bərpa edilmə laboratoriyası da mövcuddur. Yeni binalar 1969-cu ildən istismara verildi, Arxiv ofisi isə Skopyanın mərkəzində, Arxeoloji Muzeyi və Konstitusiya Məhkəməsinin yerləşdiyi binada yerləşir. 2015-ci ildə Arxivdə 298 nəfər işləyirdi.^[2]

• Şimali Makedoniya Dövlət Arxivi