Ada Safari

Ada Safari (serb. Ада Сафари) — Serbiyada göl[1]. Göl Ada Siqanliya yarımadasında, Sava çayı ilə Çukar körfəzi arasında yerləşir.[2] Ada Safari gölünü Belqrad şəhərindən 5 km-lik məsafə ayırır[3]. Gölün forması S hərfinə bənzəyir. Ümumi sahəsi 6 hektardır. Orta dərinlik — təxminən 2 metrdir. Göl daha çox idman balıqçılığı üçün istifadə olunur. Göl ətrafı sıx meşəliklə örtülüdür[4].

Ada Safari gölü
serb. Ада Сафари
Ümumi məlumatlar
Sahəsi 0,06 km²
Orta dərinliyi 2 m
Yerləşməsi
44°47′33″ şm. e. 20°24′59″ ş. u.HGYO
Ölkə  Serbiya
Ada Safari gölü xəritədə
Ada Safari gölü
Ada Safari gölü

Tarixi

[redaktə | mənbəni redaktə et]

Keçən əsrin əvvəllərinə kimi gölün olduğu ərazidə təbii depresiya ərazisi mövcud idi. Yaz aylarında depresiya bataqlıq əraziyə çevrilirdi. Yerli əhali bataqlığı Savska bara adlandırırdı.

70-ci illərin sonu, 80-cı illərin əvvəllərində bataqlıq tam qurumuş və yerində əyləncə parkı salınmışdır. Sonralar park bağlanmış və yenidən ərazidə bataqlıq formalaşmışdır.

90-cı illərin əvvəlində yenidən Sava çayının yatağı təmizlənmiş və bataqlıq ərazisində göl formalaşmışdı. 1994-cü ildən təmizlənmiş göl Ada Safari adlandırılmışdır.

Turizm

[redaktə | mənbəni redaktə et]

Göl ətrafında piyada gəzinti üçün yollar mövcuddur. Yollardan il boyu istifadə mümkündür[5]. Göl yaxınlığında uşaqlar üçün teatr meydançayı var. Yay aylarında daha çox turist cəlb edən göl ərazisində restoran fəaliyyət göstərir[6][7].

Faunası

[redaktə | mənbəni redaktə et]

Göl suyunda əsasən karp, lilbalığı və gümüşü daban balığı üstünlük təşkil edir. Göldə balıq tutmaq üçün xüsusi icazə almaq lazımdır. Populyasiyanı qorumaq üçün göldə balıq tutmağa ciddi nəzarət olunur[8]. Balq tutulduqdan sonra suya buraxılır. Ancaq 5 kq qədər olan balıqları satın almaq mümkündür. Ada Safari Serbiyada ilk göldürki, bu qayda tətbiq olunub.

2007-ci ildən Ada Safari gölündə balıqçılar klubu fəaliyyət göstərir[9].

İstinadlar

[redaktə | mənbəni redaktə et]
  1. ↑ "Београдска језера: Ада Сафари". www.beogradskajezera.com. 2012-12-28 tarixində arxivləşdirilib. İstifadə tarixi: 2012-12-28.
  2. ↑ "Ада Циганлија". www.adaciganlija.rs (serb). 2013-07-18 tarixində arxivləşdirilib. İstifadə tarixi: 2013-07-18.
  3. ↑ "Ада Сафари: О нама". www.adasafari.co.rs (serb). 2012-10-29 tarixində arxivləşdirilib. İstifadə tarixi: 2012-10-29.
  4. ↑ "Београдски излет: Ада Сафари, 12. 3. 2012". www.beogradskiizlet.rs (serb). 2012-12-28 tarixində arxivləşdirilib. İstifadə tarixi: 2012-12-28.
  5. ↑ "Риболовачка прича: Ада Сафари, 16. 2. 2009". ribolovackaprica.cdsvranje.net. 2014-07-11 tarixində arxivləşdirilib. İstifadə tarixi: 2014-07-11.,
  6. ↑ "Национална ревија бр. 8: Острво привезано за обалу, Брано Павличић". www.nacionalnarevija.com. 2016-03-08 tarixində arxivləşdirilib. İstifadə tarixi: 2020-08-24.
  7. ↑ "Национална Ревија - National Review". www.nacionalnarevija.com. 2016-03-08 tarixində arxivləşdirilib. İstifadə tarixi: 2020-08-24.
  8. ↑ "Ada Safari Beograd". Ada Safari (ingilis). 2024-05-11 tarixində arxivləşdirilib. İstifadə tarixi: 2024-05-04.
  9. ↑ "Ада Сафари: Догађаји". www.adasafari.co.rs (serb). 2012-09-29 tarixində arxivləşdirilib. İstifadə tarixi: 2012-09-29.