Afaq Hüseynova

Afaq Böyük-Ağa qızı Hüseynova — Azərbaycan rəssamı, xoreoqraf, Sənətşünaslıq üzrə fəlsəfə doktoru, Yaradıcı Qadınlar Assosiasiyasının rəhbəri^[1] Azərbaycan Rəssamlar İttifaqının üzvü (1988).

1955-ci ildə Bakı şəhərində anadan olub. 1973-cü ildə Bakı Xoreoqrafiya Məktəbini, 1980-ci ildə M.A.Əliyev adına Azərbaycan Dövlət İncəsənət İnstitutunun dekorativ-təbiqi sənət fakültəsini bitirib.

1980–85-ci illərdə Azərbaycan Bədii Fondunun rəssamı, 1985–91-ci illər Azkonsertin solisti işləyib. 1991–2003-cü illərdə Azərbaycan muzey sərvətlərinin və əşyalarının bərpası mərkəzinin elmi işçisi olub. 2003-cü ildən Azərbaycan Milli Elmlər Akademiyasının Memarlıq və İncəsənət İnstitutunun elmi işçisidir.

1999-cu ildən "Yaradıcı Qadınlar Assosiasiyası"nın prezidentidir.

1976-cı ildən — Azərbaycan və beynəlxalq sərgilərdə iştirak edib, əsərləri Almaniya, Portuqaliya, Monqoliya, Amerika, Turkiyə, Fransa, Danimarka nümayiş etdirilib. 1998–99-cu illər — Sabirabad rayonu çadır şəhərçiyində qaçqın uşaqların folklor seksiyasının bədii rəhbəri olub (Norvergin Refuqee Council).

2013-cü ildən- Sənətşünaslıq üzrə fəlsəfə doktoru

• United States Agency for International Development (Certificate of Achievement).
• Mental Health Problems in Environment of Severe Social Stress (Certificate of Participation).
• Certificate from Humid bloc Laboratory at National History Museum of Azerbaijan

• Afaq Hüseynova, Yaradıcı Qadınlar Assosiasiyasının sədri Arxivləşdirilib 2007-11-02 at the Wayback Machine