Anxel Maturino Resendiz

Anxel Maturino Resendiz (isp. Ángel Maturino Reséndiz) — Dəmiryolu qatili kimi tanınmış, 1986–1999-cu illər aralığında Amerika Birləşmiş Ştatları və Meksikada 23 dən çox şəxsi qətlə yetirmiş meksikalı seriyalı qatil. Maturino Resendizin qurbanlarının bir çoxuna qarşı cinsi zorakılıq etmiş və əsasən onları bıçaqlayaraq və digər mətbəx əşyaları ilə döyərək öldürmüşdür.

Anxel Maturino Resendiz
isp. Ángel Maturino Reséndiz
Doğum tarixi	1 avqust 1959(1959-08-01)
Doğum yeri	İsukar-de-Matamoros[d], Puebla ştatı[d], Meksika
Vəfat tarixi	27 iyun 2006(2006-06-27)[1] (46 yaşında)
Vəfat yeri	Hantsvill-yunit[d], Uoker[d], Texas, ABŞ
Vəfat səbəbi	edam edilib (27 iyun, 2006)
Vətəndaşlığı	Meksika
Qətllər
Qurbanların sayı	16
Yaralıların sayı	bilinmir
Qətllərin dövrü	1986-1999
Qətllərin yeri	Texas, Kentukki, Corciya, İllinoys
Qətl üsulları	Hücum, soyğunçuluq, zorlama və qətl
Silah	Soyuq silahlar, mətbəx bıçaqları və digər alətlər
Həbs tarixi	12 iyul, 1999
Cəzası	Zəhərli iynə ilə edam

Qatilin Dəmiryolu qatili kimi məşhurlaşmasının səbəbi ölkəni gəzmək üçün istifadə etdiyi qatarlardan tullanaraq dəmir yollarının yaxınlığında törətməsi olmuşdur. Seriyalı qatil 1999-cu ilin 21 iyun tarixindən 13 iyul tarixinə qədər Texas hökumətinin tələbi ilə Federal Təhqiqat Bürosu tərəfindən ən çox axtarılan on şəxs siyahısına daxil edilmiş və siyahıya salınan sayca 457-ci şəxs olmuşdur.

Federal Təhqiqat Bürosunun yerli polis təşkilatları ilə koordinasiyalı şəkildə aparılan araşdırmalarından sonra Anxel Resendiz 1999-cu ilin 12 iyul tarixində təslim olmuş və ABŞ-ın V Dairə Apellyasiya Məhkəməsinin müvafiq qərarına əsasən edam cəzasına məhkum edilmişdir. Cəza 2006-cı ilin 27 iyul tarixində Amerika Birləşmiş Ştatlarının Texas ştatının Hantsvill şəhərində yerləşən Texas Dövlət Penitensiar müəssisəsinin edam zalında, zəhərli iynənin bədənə vurulması ilə icra edilmişdir.