Arxalı canavar (roman)

"Arxalı canavar" — Elxan Elatlı tərəfindən yazılmış roman.^[1] Roman 2010-cu ildə iyun-sentyabr aylarında qələmə alınmışdır.

Arxalı canavar
Arxalı canavar
Müəllif	Elxan Elatlı
Janr	Detektiv
Orijinalın dili	Azərbaycan dili
Ölkə	Azərbaycan
Nəşriyyat	Elgün nəşr-çap evi
Nəşr	2016
Səhifə	208
Növ	kitab
ISBN	ISBN 978-9952-44-709

Xəbərdarlıq: Yazının davamı əsərin məzmunu haqqında məlumat ehtiva edir.

Roman bir-birini sevən iki gəncin qısa dialoqu ilə başlayır. Sonda onlar qərarlaşdırırlar ki, Cavid əsgərliyə getməmişdən öncə rayona gedəcək və onlar son dəfə orada görüşəcəklər. Hər şey onların oradakı görüşündən sonra başlayır.

Selcanın evdən çıxaraq qayıtmaması və eyni gündə Cavidin dənizdə boğulması bəzi suallar doğurur. Selcanın babası polkovnik Baratov çox sevdiyi nəvəsinin tapılması üçün ən yaxşı agenti Leopardı və cinayət axtarış eksperti Qanbay Qasımlını məsələdən agah edərək xahiş edir ki, qızın adının çox çəkilməməsi şərtilə onun tapılmasına kömək etsinlər. Müəllifin əvvəlki əsərlərindən oxucuların rəğbətini qazanmış qəhrəmanları - Qanbay Qasımlı ilə Leopard ilk və son dəfə görüşürlər.

Xəbərdarlığın sonu

1. Ələmdar Məlikov və ya Leopard — Məxfi Şöbənin "X" bölməsinin rəisi, mayor, gizli agent. "Döyüş" idman klubunun sahibi. Polkovnik Baratovun hər zaman etibar etdiyi şəxs
2. Qanbay Qasımlı — "Qara xəfiyyə", İstefada olan polis polkovniki, cinayət axtarış eksperti.^[2]
3. Bədrəddin — Nazirin oğlu. Rayondakı hamının qorxduğu şəxs. Gənclərin itməsində əsas günahkar.
4. Dəmirxan — Bədrəddinin sağ əli, polis əməkdaşı.
5. Polkovnik Baratov — Yüksək rütbəli hərbi kəşfiyyat işçisi və Selcanın babası.
6. Selcan — İtmiş qız.
7. Cavid — Dənizdə batmış gənc. Selcanın sevgilisi.
8. Pərvanə xanım — Bədrəddinin həyat yoldaşı.
9. Əşrəf — Polis əməkdaşı.
10. Bulud — Polis əməkdaşı.
11. Zülfi — Rayondakı istirahət mərkəzinin idarəçisi.
12. Yavuz — Yaylaqda ata-anasına tez-tez baş çəkən gənc.
13. Fəthiyyə — Rayondakı fahişə. İnsanları şərləyən qadın.
14. Əlixan — Dərmixanın əmisioğlu, həkim.