Asiat Naniyeva

Asiat Naniyeva (18 yanvar 1940, Sir[d], Cənubi Osetiya Muxtar Vilayəti) — Cənubi Osetiya uşaq yazıçısı, publisist və tərcüməçi. Osetiya Yazıçılar Birliyinin və Cənubi Osetiya Yazıçılar Birliyinin üzvü. Cənubi Osetiyanın Əməkdar Mədəniyyət İşçisi[1][2]. Nafi Cusoyti adına ədəbi mükafat laureatı (Cənubi Osetiya)[3][4].

Asiat Naniyeva
oset. Наниты Асиат
Doğum tarixi 18 yanvar 1940(1940-01-18) (84 yaş)
Doğum yeri
Fəaliyyəti yazıçı, nasir, tərcüməçi

Bioqrafiyası

[redaktə | mənbəni redaktə et]

O, 1940-cı ildə Cənubi Osetiya Muxtar Vilayətinin Sir kəndində kəndli ailəsində anadan olmuşdur. İbtidai məktəbi doğma kəndində bitirir, sonra Leninqorski rayonunun Zakkor kəndində orta məktəbdə oxuyur. Məktəbin ədəbi dərnəyinin fəaliyyətində iştirak etmişdir. Məktəbli ikən ilk jurnalist yazılarını "Molodoy Stalinets" qəzetində dərc etdirir. Orta təhsilini 1958-ci ildə bitirmişdir[5]. Cəbhəçi atasının ölümündən sonra o, anasına ev işlərində kömək edir.

1959–1961-ci illərdə doğma kəndində kitabxana müdiri olur. 1963-cü ildə Tsxinvaliyə köçür. Elə həmin il ailə səbəblərinə görə tərk etməli olduğu Tbilisi Universitetinin iqtisadiyyat fakültəsinin qiyabi şöbəsinə daxil olur. 1964-cü ildə "Fidiuaq" ədəbi jurnalında "Otlaqda" (oset. «Сæрвæты») adlı ilk hekayəsini çap etdirir. 1966-cı ildən Tsxinvalidəki "Soveton İriston" (Sovet Osetiyası) qəzetinin redaksiyasında korrektor işləyir. Eyni zamanda Moskva Poliqrafiya İnstitutunun texnoloji fakültəsinin qiyabi şöbəsində oxuyur. 1969-cu ildən Tsxinvalidəki "İriston" kitab nəşriyyatında istehsalat redaktoru, texniki redaktor və istehsalat rəhbəri vəzifələrində çalışır. 2002-ci ildən "Fidiuaq" jurnalında nəsr şöbəsinin redaktoru işləyir.

Bir neçə uşaq kitabı yazmışdır. 1974-cü ildə "Asamazın rəqsi" (oset. «Ацæмæзы кафт») uşaq hekayələr toplusunu nəşr etdirir. 2013-cü ildə o, Gürcüstan-Cənubi Osetiya müharibəsinin real hadisələrini təsvir edən yeddi hekayədən ibarət "Çağırılmamış qonaq" (oset. «Æнахуыр уазæг») adlı toplusunu buraxır.

Həm də müxtəlif yerli və xarici yazıçıların tərcüməsi ilə məşğul olur. O, Qayto Qazdanovun "Cəld" hekayəsini və Georgi Tedeyevin "Qara mirvari" hekayəsini osetin dilinə tərcümə etmişdir.

2016-cı ildə Nafi Cusoyti Mükafatına layiq görülmüşdür[6].

Cənubi Osetiya yazıçısı Gersan Kodalayevin həyat yoldaşıdır[7].

İstinadlar

[redaktə | mənbəni redaktə et]
  1. ↑ Тамара Котолова, Женщина — писательница, женщина — мать Arxivləşdirilib 2019-10-21 at the Wayback Machine
  2. ↑ Двадцати четырёх часов в сутках достаточно для осуществления намеченного, — Асиат Наниева Arxivləşdirilib 2019-10-21 at the Wayback Machine, Аланияинформ
  3. ↑ "В Южной Осетии впервые прошла церемония вручения премии Нафи Джуссойты". 2019-10-21 tarixində arxivləşdirilib. İstifadə tarixi: 2021-10-23.
  4. ↑ "Премия Нафи Джусойты присуждена «Избранным произведениям» Шамиля Джигкаева". 2021-10-23 tarixində arxivləşdirilib. İstifadə tarixi: 2021-10-23.
  5. ↑ Тамара Котолова, Женщина — писательница, женщина — мать Arxivləşdirilib 2019-10-21 at the Wayback Machine
  6. ↑ "Определены лауреаты премии". 2019-10-22 tarixində arxivləşdirilib. İstifadə tarixi: 2021-10-23.
  7. ↑ Рада Дзагоева, Асиат Наниева: "Сегодня в литературе, как и в науке, к сожалению, нет новых имен. И в такой ситуации, говоря прямо, народ дичает…" Arxivləşdirilib 2019-10-21 at the Wayback Machine

Ədəbiyyat

[redaktə | mənbəni redaktə et]
  • Бибоева И. Г., Казиты М. Р., Писатели Осетии, библиографический справочник, Владикавказ, Ир, 2015, стр. 455, ISBN 978-5-7534-1499-01

Mənbə

[redaktə | mənbəni redaktə et]