Aydın Xırdalanlı
Aydın Xırdalanlı (31 iyul 1977, Xırdalan – 23 mart 2019[1], Xırdalan) — azərbaycanlı meyxanaçı, şair, qəzəlxan
| Aydın Xırdalanlı | |
|---|---|
| Aydın Hacı oğlu Quliyev | |
 | |
| Ümumi məlumatlar | |
| Doğum adı | Aydın Quliyev |
| Doğum tarixi | 31 iyul 1977 |
| Doğum yeri | |
| Vəfat tarixi | 23 mart 2019[1] (41 yaşında) |
| Vəfat yeri | |
| Vəfat səbəbi | Sirroz |
| Dəfn yeri | |
| Musiqiçi məlumatları | |
| Fəaliyyəti | şair, meyxanaçı, qəzəlxan |
| Fəaliyyət illəri | 1995–2019 |
| Janr | meyxana[2] |
Həyatı
[redaktə | mənbəni redaktə et]Erkən illəri
[redaktə | mənbəni redaktə et]Aydın Xırdalanlı 1977-ci il iyulun 31-də Abşeron rayonunun Xırdalan qəsəbəsində dünyaya gəlib. Xırdalan kənd məscidinin yanında yaşayırdı. Xırdalanda 1 saylı orta məktəbdə oxuyub. Uşaqlıqda bəstəboy və arıq bir uşaq idi.[3]
Azərbaycan Dövlət Mədəniyyət və İncəsənət Universitetinin Bədii yaradıcılıq fakültəsinin kütləvi tamaşalar rejissorluğu ixtisasında oxuyub. Qrup rəhbəri aktrisa Amaliya Pənahova olub.[3]
Tələbəlik illərində namaz qılırdı.[3] Azər Sani kimi din və qəzəl bilicisindən dərs alıb. Məhz şəxsi istedadı və ustaddan aldığı dərs sayəsində dini ehkamları və qəzəliyyatı yaxşı bilirdi. Dini məsələləri də kifayət qədər səlis ifadə etməyi, dini mövzuları ustalıqla nəzmə çəkməyi vardı.[4] 1998-2001-ci illlərdə Xırdalan Cümə məscidində nəzarətçi kimi çalışıb.[5] Xırdalanda Cümə məscidinə azan verib.[3]
Yaradıcılıq fəaliyyəti
[redaktə | mənbəni redaktə et]1995-ci ildən meyxana deməyə başlayıb. Doğulduğu Xırdalan şəhərinin adını təxəllüs seçərək, meyxana sənətində bu soyadla məşhurlaşıb. Aydın Xırdalanlı 2001-ci ildə ANS telekanalının təşkil etdiyi "De, gəlsin" yarışmasının qalibi olub.[3] 2004-cü ildə həmin yarışmada münsif qismində iştirak etmişdir. 2009-cu ildə "Söz qalası" meyxana yarışmasında iştirak edib.[5]
Şəxsi həyatı
[redaktə | mənbəni redaktə et]Alkoqol və narkotikdən asılı vəziyyətə düşən meyxanaçı sağlamlığı ilə bağlı ciddi problemlərlə üzləşib.[6][7] 2013-cü ildə Azərbaycan saytlarından birinə verdiyi müsahibədən:
|
Gənclərə bir tövsiyəm var ki, nəinki narkotika, hətta spirtli içkidən, siqaretdən də uzaq olsunlar.[7] | 
|
2017-ci ildə Baku.ws saytına verdiyi müsahibədən:
|
|
Kaş əvvəlki vaxtlarıma qayıdaydım. 1995-ci ildə ağlı başında adam idim. Füzulinin kitablarını oxuyub ağlayırdım. Çoxlu mütaliə edirdim. Məsciddə namaz qılıb, Allaha dua edirdim. Allah dualarımı eşitdi və mənə şöhrət göndərdi. 2001-ci ildə namazı unudub, meyxana deməyə başladım. Kaş ki, o şöhrət heç məni tapmayaydı. Dəyişdim.[8] |
|
Ölümü
[redaktə | mənbəni redaktə et]Sənətkar həyatının son dövründə depressiyada olmuşdur.[3] 2018-ci ildə özəl xəstəxanaların birinə aparılan Aydın Xırdalanlıda müayinə zamanı qaraciyər sirrozu aşkarlanıb.[9]
Qaraciyər sirrozundan əziyyət çəkən sənətkar, 2019-cu il martın 23-də Xırdalan şəhərində Şah İsmayıl Xətai ilə bağlı sənədli filminə baxaraq vəfat edib.[3][4] Nəşi Xırdalanda yerləşən Cümə məscidinə gətirildikdən sonra izdihamla Xırdalan qəbiristanlığına dəfn olunub.[3]
İrsi
[redaktə | mənbəni redaktə et]2020-ci il martın 23-də Azərbaycan repçisi Xpert Aydın Xırdalanlının xatirəsinə "Aydın" mahnısını həsr edib.
İstinadlar
[redaktə | mənbəni redaktə et]- ↑ 1 2 Aydın Xırdalanlı vəfat etdi.
- ↑ http://archive.is/PeeS2.
- ↑ 1 2 3 4 5 6 7 8 9 "O gün Xırdalan küçələrində adam tapmaq mümkün deyildi: Aydın bilirdi ki, öləcək" - Səbuhi Sədəf yazır". news24.az. news24.az. 24 mart 2019 tarixində arxivləşdirilib. İstifadə tarixi: 24 mart 2019.
- ↑ 1 2 "Aydın Xırdalanlının vaxtsız ölümünün sirri". kulis.az. kulis.az. 2021-06-23 tarixində arxivləşdirilib. İstifadə tarixi: 24 mart 2019.
- ↑ 1 2 Xırdalanlı, Aydın. Leysanlara düşdüm (az.). Parlaq. 2020. 7–8.
- ↑ "41 ilə sığan sevinc və kədərin hekayəsi". oxu.az. oxu.az. 24 mart 2019 tarixində arxivləşdirilib. İstifadə tarixi: 24 mart 2019.
- ↑ 1 2 ""Faiq Ağayev narkomandır" - Aydın Xırdalanlı". www.aznews.az. www.aznews.az. 2021-07-18 tarixində arxivləşdirilib. İstifadə tarixi: 23 mart 2019.
- ↑ ""Namazı unutdum, pis vərdişlərə qurşandım" - Aydın Xırdalanlının peşmanlığı". baku.ws. baku.ws. 2019-04-24 tarixində arxivləşdirilib. İstifadə tarixi: 23 mart 2019.
- ↑ "Narkotik istifadə edən meyxanaçı Aydın Xırdalanlıdan üzücü xəbər". big.az. big.az. 2021-06-15 tarixində arxivləşdirilib. İstifadə tarixi: 23 mart 2019.
Xarici keçidlər
[redaktə | mənbəni redaktə et]