Başqırd əlvan ördəkləri — ətlik ördək cinsi[1]. Rusiya Federasiyasının Başqırdıstan Respublikasının "Blaqovarski" damazlıq quşçuluq zavodunda yetişdirilmişdir[1].
Tük örtüyü qəhvəyi rəngdədir[1]. 5–6 həftəlik erkək fərdlərin başı, boynunun, belinin və quyruğunun yuxarı hissəsi qara-mavi çalarlıdır[1]. Başı orta böyüklükdədir[1]. Boynu qısa və yoğundur[1]. Döşü enli, qabarıqdır[1].
7 həftəlik körpə ördəklərin kütləsi 3,4 kq-a çatır[1]. Əti zərif, şirəli, yüksək pəhriz xüsusiyyətlərinə malikdir[1].
Yumurtlağanlıq il ərzində 200–220 yumurtadan ibarət olur[1]. Bir yumurtanın çəkisi 80–90 qramdır. Mayalanma qabiliyyəti 93,7%-dir[1].
Başqırd əlvan ördəklərini ən sadə tikililərdə və dayaz su hovuzlarında – nohurlarda saxlayırlar[1].