Bakı Qida və Yağ Fabriki

Bakı Qida və Yağ Fabriki — Azərbaycanda yeyinti yağları istehsalı ilə məşğul olan müəssisə.[1]

Bakı Qida və Yağ Fabriki
Loqonun şəkli
Ümumi məlumatlar
Təsis tarixi 1997
Baş qərargahın yeri Azərbaycan Azərbaycan

Tarixi[redaktə | mənbəni redaktə et]

Bakı Yağ Fabriki 27 dekabr 1997-ci il tarixində “Caspian Vegetable Ghee Factory” adı altında ümummilli lider Heydər Əliyevin iştirakı ilə istismara verilib. 2011-ci ildə isə Bakı Yağ Fabrikinin Azərsun Sənaye Parkına köçürülməsi və fabrikin yenidən qurulması layihəsinə start verilib.[2]

25 fevral 2014-cü ildə Azərbaycan Respublikasının Prezidenti cənab İlham Əliyevin iştirakı ilə Bakı Qida və Yağ Fabrikinin Azərsun Sənaye Zonasında açılışı olub.[3]

Fəaliyyəti[redaktə | mənbəni redaktə et]

Bakı Yağ Fabriki 27 dekabr 1997-ci il tarixində “Caspian Vegetable Ghee Factory” adı altında ümummilli lider Heydər Əliyevin iştirakı ilə istismara verilib. 2011-ci ildə isə Bakı Yağ Fabrikinin Azərsun Sənaye Parkına köçürülməsi və fabrikin yenidən qurulması layihəsinə start verilib.[4]

25 fevral 2014-cü ildə Azərbaycan Respublikasının Prezidenti cənab İlham Əliyevin iştirakı ilə Bakı Qida və Yağ Fabrikinin Azərsun Sənaye Zonasında açılışı olub.[5]

Mamam Chocolate and Bakery[redaktə | mənbəni redaktə et]

Şokolad Fabriki, 2008-ci ildən etibarən “Bakı Qida və Yağ Fabriki”nin tərkibində fəaliyyət göstərir. 2010-cu ildə “Shokki Mokki” markası ilə istehsala başlayan fabrikdə 92 nəfər işçi daimi işlə təmin edilib.

İllik istehsal gücü 2000-3000 ton arası olan müəssisənin istehsal və anbar ərazisi 7760 m2 sahəni əhatə edir.

2014-cü ilin aprel ayında “Svit Star” müəssisəsi yaradılıb və fabrikin fəaliyyətinin daha da genişləndirilməsi məqsədilə yeni sərmayə qoyularaq halva, lokum, marmelad, gofret, sənaye şokoladı və fındıq kremi istehsalına başlanılıb. Müəssisə 2016-2018-ci illərdə “Svit Star” olaraq, 2018-2019-cu illərdə isə “Bakı Qida və Yağ Fabriki”nin nəzdində fəaliyyətini davam etdirib. 2019-cu ilin avqust ayından etibarən isə “Mamam Chocolate and Bakery”yə bağlı fəaliyyətini davam etdirməkdədir.

Hal-hazırda, fabrikdə əl dəyməyən texnologiyalar vasitəsilə yüksək keyfiyyətli “Shokki Mokki”, “Cey Cey”, “Chocolake” və s. şokolad kremləri, “Choco Art”, “Zoluşka” gofret, markaları ilə məhsullar və konfet istehsal olunmaqdadır. Fabrikdə ən müasir standartlara cavab verən Türkiyə, İsveçrə, Avstriya və Hollandiya istehsalı olan avadanlıqlar quraşdırılıb.[6]

İxracı[redaktə | mənbəni redaktə et]

Bakı Qida və Yağ Fabrikinin məhsulları Gürcüstan, Özbəkistan, Türkmənistan, İraq, Qırğızıstan, Qazaxıstan və s. ölkələrə ixrac olunmaqdadır.

Müəssisə İSO 9001:2008 Keyfiyyət İdarəetmə Sistemi, İSO 22000 Qida Təhlükəsizliyi İdarəetmə Sistemi, FSSC 22000 Qida Təhlükəsizliyi İdarəetmə Sistemi sertifikatlarına layiq görülüb. Həmçinin KFC firması tərəfindən audit aparılıb və müəssisənin fəaliyyəti yüksək qiymətləndirilib.

İstinadlar[redaktə | mənbəni redaktə et]

  1. ↑ "Bakı Qida və Yağ Fabriki". 2023-06-09 tarixində arxivləşdirilib. İstifadə tarixi: 2023-10-04.
  2. ↑ "Sevilən yerli markaların istehsal edildiyi Bakı Qida və Yağ Fabrikinə ziyarət təşkil edildi - FOTO". 2020-01-18 tarixində arxivləşdirilib. İstifadə tarixi: 2023-10-04.
  3. ↑ "Bakı Qida və Yağ Fabrikinə ziyarət təşkil edilib (FOTO)". 2022-08-19 tarixində arxivləşdirilib. İstifadə tarixi: 2023-10-04.
  4. ↑ “Azərsun Sənaye Parkı”nda yaradılmış Sumqayıt yağ fabriki istifadəyə verilmişdir VİDEO
  5. ↑ ""Zeytun bağları" markası təmizlik aksiyası keçirib - Fotolar". 2023-10-03 tarixində arxivləşdirilib. İstifadə tarixi: 2023-10-04.
  6. ↑ MAMAM CHOCOLATE AND BAKERY