Belqradın icmaları

Belqrad Serbiyada ayrıca ərazi vahidi statusuna malikdir. Şəhər dairəsinin ərazisi 17 icmalara (serb. општина) bölünüb. Onların hər birində icma rəhbəri, icra hakimiyyəti, icma parlamenti və icma şurası kimi yerli özünüidarəetmə orqanları var. Parlament deputatların sayı 19-75 arasında olur. Onlar, öz növbəsində, icma şurası üzvlərini seçirlər. Qanuna əsasən, icma parlamenti yerli büdcənin idarə edir, yerli cəmiyyətləri yarada bilər, icma və şəhərin inkişaf planları barədə fikirlərini açıqlayır, tikinti üçün ayrılmış torpağı idarə edir və əhalinin hüquqi müdafiəsini təmin edir və s^[1].

Yerli özünüidarəetmə çərçivəsində icma aşağıdakı funksiyaları yerinə yetirir^[2]:

• icmanın fəaliyyətini təşkil edir, büdcə layihəsini qəbul edir
• yerli cəmiyyətləri yaradır, onları maliyyələşdirir və cari məsələlərin həllində onlara kömək edir
• urbanizm planları barədə fikirlərini açıqlayır
• tikintilər üçün yer ayırır
• yenidənqurma üçün binaların və obyektlərin siyahısını müəyyən edir
• turizm və xidmət sahəsinin inkişaf etdirir
• vətəndaşların hüquqi müdafiəsini təmin edir və s.

Bundan başqa, Baraevo, Qrotska, Lazarevats, Mladenovats, Obrenovats, Sopot və Surçin icmaları da yerli yollar və küçələrin vəziyyətinə nəzarət etməlidir və həmçinin kommunal xidmət sahəsinin fəaliyyəti və inkişafını təmin etməlidir^[2].

İcma əhalisinin sayı haqqında məlumatlar 2011-ci ildə Serbiyada keçirilən siyahıya alınmaya görə göstərilib^[3]. İcmaların inzibati mərkəzləri siyahıda qalın şriftlə qeyd olunub. Novi-Beoqrad və Savski-Venats icmalarında yaşayış məntəqələri yoxdur və onlar tam olaraq Belqrad daxilində yerləşilər.

Siyahıda Belqrad dairəsinin icmaları təqdim olunub. Onlar əlifba qaydasında göstərilib.

Cədvəl:

• Adı — icmanın azərbaycan dilində adı, aşağıda serb dilində orijinal adı göstərilib;
• Sahəsi — kvadrat kilometr ölçüsündə göstərilmiş bələdiyyə sahəsi;
• Əhalisi — icma əhalisinin sayı;
• İcma daxilində yerləşən yaşayış məntəqələri /rayonları — icmaya aid olan yaşayış məntəqələri;
• Gerb — icmanın gerbi;
• Şəkil — icmanın panorama və ya fotosu;
• Belqrad dairəsinin xəritəsində — icmanın Belqrad dairəsinin xəritəsində sərhədləri;

Çeşidlənmə cədvəlin ilk dörd sütunları üzrə keçirilə bilər.

Adı	Sahəsi	Əhalisi	İcma daxilində yerləşən yaşayış məntəqələri /rayonları	Gerb	Şəkil	Belqrad dairəsinin xəritəsində
Barayevo serb. Барајево	213 km²[4]	27 110[5]	Arnayevo, Barayevo, Baçevats, Belyina, Bojdarevats, Veliki-Borak, Vraniç, Quntsati, Lisoviç, Maniç, Melyak, Rojantsi, Şilyakovats
Vojdovats serb. Вождовац	148 km²[6]	158 213[5]	Beli-Potok, Vojdovats, Zutse, Pinosava, Ripan
Vraçar serb. Врачар	3 km²[7]	56 333[5]	Vraçar
Qrotska serb. Гроцка	289 km²[8]	83 907[5]	Beqalyitsa, Boleç, Brestovik, Vinça, Vrçin, Qrotska, Drajan, Jivkovats, Zaklopaça, Kaluceritsa, Kamendol, Leştane, Pudartsi, Ritopek, Umçari
Zvezdara serb. Звездара	32 km²[9]	151 808[5]	Zvezdara
Zemun serb. Земун	150 km²[10]	168 170[5]	Zemun, Uqrinovtsi
Lazarevats serb. Лазаревац	384 km²[11]	58 622[5]	Arapovats, Barzilovitsa, Baroşevats, Bistritsa, Braykovats, Burovo, Veliki-Tsrlyeni, Vrbovno, Vreotsi, Dren, Dudovitsa, Jupanyats, Zeoke, Kruşevitsa, Lazarevats, Leskovats, Lukavitsa, Mali-Tsrlyeni, Medoşevats, Mirosaltsi, Petka, Prkosava, Rudovtsi, Sakulya, Sokolovo, Stepoyevats, Strmovo, Stubitsa, Trbuşnitsa, Tsvetovats, Çibutkovitsa, Şopiç, Şuşnyar, Yunkovats
Mladenovats serb. Младеновац	338 km²[12]	53 906[5]	Ameriç, Beluçe, Belyevats, Velika-İvança, Velika-Krsna, Vlaşka, Qranitse, Dubona, Kovaçevats, Koraçitsa, Mala-Vrbitsa, Markovats, Medjulujye, Mladenovats, Mladenovats (qəsəbə), Prujatovats, Rabrovats, Raykovats, Senaya, Tsirkvine, Şepşin, Yaqnyilo
Novi-Beoqrad serb. Нови Београд	41 km²[13]	214 506[5]	Tərkibində yaşayış məntəqəsi yoxdur
Obrenovats serb. Обреновац	409,96 km²[14]	72 524[5]	Balevats, Bariç, Belo-Pole, Brgulitse, Broviç, Vukiçevitsa, Grabovats, Drajevats, Dren, Zabreje, Zveçka, Konatitse, Krtinska, Lubiniç, Mala-Moştanitsa, Mislodjin, Obrenovats, Oraşats, Piroman, Polyane, Ratari, Rvati, Skela, Stubline, Trstenitsa, Urovtsi, Uşçe, Yasenak
Palilula serb. Палилула	451 km²[15]	173 521[5]	Borça, Veliko-Selo, Dunavats, Kovilovo, Ovça, Padinska-Skela, Palilula, Slantsi
Rakovitsa serb. Раковица	31 km²[16]	108 641[5]	Rakovitsa, Resnik
Savski-Venats serb. Савски Венац	15,8 km²[17]	39 122[5]	Tərkibində yaşayış məntəqəsi yoxdur
Solot serb. Сопот	271 km²[18]	20 367[5]	Babe, Guberevats, Drlupa, Duçina, Djurintsi, Mala-Ivança, Mali-Pojarevats, Nemenikuçe, Partsani, Popoviç, Ralya, Rogaça, Ropoçevo, Sibnitsa, Slatina, Sopot, Stoynik
Stari-Qrad serb. Стари Град	5 km²[19]	48 450[5]	Stari-Qrad
Surçin serb. Сурчин	288 km²[20]	43 819[5]	Beçmen, Bolevtsi, Dobanovtsi, Petrovçiç, Progar, Surçin, Yakovo
Çukaritsa serb. Чукарица	156 km²[21]	181 231[5]	Velika-Moştanitsa, Ostrujnitsa, Peçani, Rutska, Ruşan, Sremçitsa, Umka, Çukaritsa

• "Gradske opštine" (serb). İstifadə tarixi: 2017-04-06.
• "Урбанистички завод Београда" (serb). 2017-04-10 tarixində arxivləşdirilib. İstifadə tarixi: 2017-04-06.