Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 0 saniyə əvvəl Atakhanli (müzakirə | töhfələr) tərəfindən redaktə olunub. (Yenilə) |
Elmar Şərifov (tam adı: Şərifov Elmar Yəhya oğlu; 22 mart 1969, Sətənəxaç, Basarkeçər rayonu) — Azərbaycan Tibb Universitetinin müəllimi, tibb üzrə fəlsəfə doktoru.
Elmar Şərifov | |
---|---|
Doğum tarixi | 22 mart 1969 (53 yaş) |
Doğum yeri |
Şərifov Elmar Yəhya oğlu 22 mart 1969-cu ildə Ermənistan SSR Basarkeçər rayonunun Güney (Satanağaç) kəndində anadan olmuşdur. 1976–1986-cı illərdə Güney kənd orta məktəbində oxumuş və 1986-cı ildə həmin məktəbi gümüş medalla bitirmişdir.
1986-cı ildə N. Nərimanov adına Azərbaycan Dövlət Tibb İnstitutunun müalicə-profilaktika fakültəsinə qəbul olmuşdur. 1987–1989-cu illərdə SSRİ Silahlı Qüvvələrində hərbi xidmətdə olmuşdur. 1994-cü ildə Azərbaycan Tibb Universitetini fərqlənmə diplomu ilə bitirərək "ümumi cərrah" ixtisasına yiyələnmişdir. ATU-nun Elmi Şurasının qərarı ilə ATU-nun cərrahi xəstəliklər kafedrasında klinik ordinaturada saxlanmışdır.
1996-cı ildə Azərbaycan Silahlı Qüvvələrinə hərbi xidmətə çağırılaraq həkim kimi fəaliyyət göstərmişdir. 2000-ci ildən həmin kafedraya baş laborant vəzifəsinə təyin edilmişdir. 2004-cü ildən ATU-nun cərrahi xəstəliklər kafedrasına assistent vəzifəsinə seçilmişdir. 2014-cü ildə "Mədə rezeksiyalarından sonrakı erkən ağırlaşmaların profilaktikası" mövzusunda tibb üzrə fəlsəfə doktorluq dissertasiyasını müdafiə etmişdir. 2016-cı ildən ATU-nun Tədris-Treninq mərkəzinin rəhbəridir. 2018-ci ildən ATU-nun III Cərrahi xəstəliklər kafedrasının dosentidir. E. Şərifov 50-ya yaxın elmi məqalənin müəllifidir. Klinik cərrahiyyə, Hərbi-səhra cərrahlığı və Surgical diseases (Cərrahi xəstəliklər), Qida borusunun cərrahi xəstəlikləri, Yoğun bağırsağın cərrahi xəstəlikləri adlı dərs vəsaitlərinin müəllifidir.