Emil Məmmədov (11 may 1987, Bakı) — Azərbaycanlı peşəkar kikboksçu, 2 qat dünya çempionu, EMT Promosyon proyektinin yaradıcısı. Rusiyada ParaBox fedrasiyasının qurucusu.
Emil Məmmədov | |
---|---|
Şəxsi məlumatlar | |
Tam adı | Emil Elman oğlu Məmmədov |
Ləqəbi | Emilio |
Vətəndaşlığı | |
Doğum tarixi | 11 may 1987 (36 yaş) |
Doğum yeri | |
Boyu | 174 sm. |
Çəkisi | 69 kq. |
İdman növü | Kikboksinq |
Emil Məmmədov 11 may 1987-ci ildə Bakı şəhərində anadan olmuşdur. 7-ci sinfə qədər ümumtəhsil məktəbində oxumuşdur. Sonra Kadet Korpusunda təhsilinə davam etmişdir. Dərbənd Humanitar İnstitutunun qiyabi şöbəsini bitirib. Universiteti bitirdikdən sonra hərbi xidmətini yerinə yetirmişdir. Erkən yaşlarından idmanla məşğul olumağa başlamışdır. Emil dərslərində və karyerasında dəstəyi atası tərəfindən almışdır. Gənclik illərində şəhər çempionu olmuş və ilk uğurunu taekvondoda qazanmışdır. Daha sonra boksla məşğul olmağa başlamışdır. Dinamo klubu çərçivəsində keçirilən yarışlarda iştirak etmişdir. Daha sonra kikboksinqlə məşğul olmağa başlamışdır. 2007-ci ildə 64 kq çəkidə Azərbaycan hərbçiləri arasında çempion olmuşdur. 2008-ci ildə ikinci yeri tutaraq Qafqaz Kubokunu qazandı. 2009-cu ildə Qafqaz çempionu oldu. Daha sonra Rusiya Federasiyasında yaşamaq üçün icazə almışdır. 2011-ci ildə həvəskar karyerasını başa vurdu və ailə səbəbləri ilə üç il rinqə çıxmadı. 2012-ci ildə karyerasına geri döndü. 2014-cü ilin aprelində 70 kq çəki dərəcəsində peşəkar kikboksinq rinqində debüt etdi. Emil Məmmədov "EMT (Emilio Motivation Team)" layihələrin yaratdı. Lipovoy GYM döyüş klubu şəbəkəsinin vitse-prezidenti olmuşdur. Milli Narkotiklə Mübarizə Birliyində bir idman kuratoru olaraq çalışmışdır. Stopnarkotik proqramında iştirak etmişdir . Televiziya çəkilişlərində, radio yayımlarında fəal iştirak etmişdir. Ayrıca, 2015-ci ildə Rusiyada ParaBox federasiyasını qurdu.
8 noyabr 2015-ci ildə Nicholas Kravchuku ikinci turda nokaut etdi.
20 dekabr 2015-ci il tarixində Məmmədov Bolqarıstanlı rəqibi Alexander Novakovu ilk raundun əvvəlində nokauta salmışdır.