Hollandiya Kral Milli Kitabxanası

Hollandiya Kral Milli Kitabxanası(нид. Koninklijke Bibliotheek, сокр. KB) — Haaqada yerləşən Hollandiya Milli Kitabxanası.

Hollandiya Kral Milli Kitabxanası
Koninklijke Bibliotheek[1]
Loqonun şəkli
Xəritə
Ümumi məlumatlar
Ölkə
Yaradılıb 8 noyabr 1798
Ünvan Koninklijke Bibliotheek, Prins Willem-Alexanderhof 5, 2595 BE Den Haag
Digər məlumatlar
ISIL kodu NL-0100030000
Sayt kb.nl
Vikianbarın loqosu Vikianbarda əlaqəli mediafayllar

Tarixi

[redaktə | mənbəni redaktə et]

Hollandiya Kral Kitabxanası 1798-ci ildə yaradılıb. Kitab kolleksiyası mühacirətdə olan Orange Şahzadəsi V Uilyamın şəxsi kitabxanasına əsaslanırdı. 1806-cı ildə kitabxana kral Lui Bonapartdan "kral" adını aldı. 1892-ci ildə "Hollandiyanın milli kitabxanası" adına layiq görülüb. 1993-cü ildən Hollandiya Kral Kitabxanası Hollandiyanın Təhsil, Mədəniyyət və Elm Nazirliyindən maliyyə dəstəyi alan özünü idarə edən bir qurumdur.[3][4]

Fondlar və məqsədlər

[redaktə | mənbəni redaktə et]

Niderlandın Kral Kitabxanası milli qurumdur, onun missiyası ölkənin çap və əlyazma mədəni irsini qorumaq və hər kəsə Hollandiyanın bilik və mədəni irsinə çıxışı təmin etməkdir. O, həmçinin Leiden Universitetinin Kitabxanası ilə əməkdaşlıq edərək elmi ictimaiyyəti tələbələr üçün müvafiq məlumat və təhsil imkanları ilə təmin edir. Hollandiya Kral Kitabxanasının əsas tədqiqat maraqları humanitar elmlər, ilk növbədə Hollandiya tarixi, dili və mədəniyyətidir.[5][6] Kitabxananın kolleksiyasına holland dilində olan bütün nəşrlər daxildir. Digər milli kitabxanalardan fərqli olaraq, KB nəşriyyatların öz kitablarını onlara hədiyyə edib-etməmək barədə qərar verə biləcəyi bir kitabxanadır. Başqa ölkələrdə tez-tez nəşriyyatçılardan bunu tələb edirlər. Kitabxananın fondu 3,5 milyon nəşri əhatə edir, onlardan 2,5 milyonu kitablardır. KB də təxminən 15 min qəzetə abunədir. Onun illik büdcəsi 36 milyon avrodur. Kitabxananın kolleksiyalarından istifadə etmək üçün illik abunə 15 avroya başa gəlir. Hollandiya Kral Kitabxanasının kataloqu İnternetdə mövcuddur. KB Avropada şahmat oyunları nəzəriyyəsi üzrə ən böyük ədəbiyyat kolleksiyasına malikdir.[7][8]

İstinadlar

[redaktə | mənbəni redaktə et]
  1. ↑ https://www.koninklijkhuis.nl/onderwerpen/onderscheidingen/predicaat-koninklijk/overzicht-predicaat-koninklijk.
  2. ↑ 1 2 https://www.koninklijkhuis.nl/onderwerpen/onderscheidingen/predicaat-koninklijk/overzicht-predicaat-koninklijk. 2019.
  3. ↑ "Koninklijke Bibliotheek / Royal Library of the Netherlands". The Conference of European National Librarians (CENL) (ingilis). 2020-06-07 tarixində arxivləşdirilib. İstifadə tarixi: 2020-05-23.
  4. ↑ "Dutch Royal Library | library, The Hague, Netherlands". Encyclopedia Britannica (ingilis). 2015-09-20 tarixində arxivləşdirilib. İstifadə tarixi: 2020-05-23.
  5. ↑ "The National Library of the Netherlands – Digital Preservation (Library of Congress)". digitalpreservation.gov. 2013-09-28 tarixində arxivləşdirilib. İstifadə tarixi: 2020-05-23.
  6. ↑ "KB's special web collection of XS4ALL home pages on Dutch UNESCO Memory of the World heritage list | KB, National Library of the Netherlands". www.kb.nl. 2023-12-15 tarixində arxivləşdirilib. İstifadə tarixi: 2024-02-28.
  7. ↑ "National Library of The Netherlands". Preserving the World's Rarest Books (ingilis). 2018-02-13. 2019-04-26 tarixində arxivləşdirilib. İstifadə tarixi: 2019-08-13.
  8. ↑ Hanson, J. C. M. "Review: The Royal Library of the Netherlands". The Library Quarterly: Information, Community, Policy. The University of Chicago Press. 10 (2). April 1940: 266–269. doi:10.1086/614725. JSTOR 4302710.