Kərim Paşayev

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Aşıq Kərim (2 fevral 1925, Ardanış – 1 dekabr 1999, Bakı) — aşıq.

Kərim Paşayev
Kərim Paşayev
Digər adı	Aşıq Kərim
Doğum tarixi	2 fevral 1925
Doğum yeri	Göyçə mahalı, Ardanış
Vəfat tarixi	1 dekabr 1999 (74 yaşında)
Vəfat yeri	Bakı
Uşaqları	5 oğlu, 3 qızı var
Milliyyəti	azərbaycanlı
Fəaliyyəti	aşıqlıq

1925-ci il fevralın 2-də Göyçə mahalının Ardanış kəndində dünyaya göz açıb. Hələ uşaq yaşlarından şeirə, sənətə böyük maraq göstərib və 12 yaşından başlayaraq xalası oğlunun — Göyçənin tanınmış ustad aşıqlarından olan Aşıq Niftalının yanında şagirdlik etməyə başlayıb. Bu sənətin dərin incəliklərinə yiyələnən, sənəti gözəl tərzdə qavrayan Aşıq Kərim qısa müddət ərzində bu sənətdə məşhurlaşıb. Aşıq Niftalının ən bacarıqlı və ən çox sevdiyi şagirdlərindən biri olub.

1943-cü ilin fevralında Aşıq Kərimin 18 yaşı tamam olur və elə həmin ilin sentyabrın 22-də hərbi xidmətə yola düşür. Etdiyi xidmət boyu o sıravi əsgər-snayper olub. Böyük Vətən Müharibəsində faşizmə qarşı mərdliklə vuruşan Kərim döyüşdə göstərdiyi şücaətə, ciddi nizam-intizama görə dəfələrlə orden və medallarla təltif olunub. 1945-ci ildə faşizm üzərində qələbədən sonra ordudan tərxis olunan Kərim öz doğma yurd-yuvası olan Göyçə mahalının Ardanış kəndinə qayıdıb. Qayıtdıqdan sonra o ticarətlə məşğul olub. Neçə illər o, Ardanış kəndində olan univermaqda işləyib. Ticarətlə bərabər aşıqlıq sənətini də davam etdirib. Ustadı aşıq Niftalı ilə el şənliklərində, toylarda çıxış edib.

1947-ci ildə SSRİ-i Ali Soveti tərəfindən 1941–1945-ci il Böyük Vətən Müharibəsində iştirakı və göstərdiyi şücaətə görə medalla təltif olunub. 1949-cu ildə Aşıq Kərim Tükəzban xanımla ailə həyatı qurub. 5 oğlu, 3 qızı var. Dövrünün bir çox qüdrətli aşıq, şair və söz ustadları ilə yaxın dostluq münasibətlərində olub. Yüksək əməksevərliyi ilə fərqlənən Aşıq Kərim 1977-ci ilin martın 15-də Sosialist Əməyi Qəhrəmanı ordeni ilə təltif olunub.

1941–1945-ci illərdə müharibədə iştirak etdiyi üçün müxtəlif dövrlərdə dəfələrlə orden və medallarla təltif olunub.

1988-ci ildə Aşıq Kərim ailəsi ilə birlikdə Bakıya köçüb. Bakıya köçdükdən sonra Aşıq Kərim yerdə qalan ömrünü yalnız və yalnız çox sevdiyi aşıqlıq sənətinə, yaradıcılığa həsr edib. O Bakıda fəliyyət göstərən "Göyçə"Koperativinin üzvü olub. Vaxtaşırı aşıq məclislərində ürəyi Göyçə həsrəti, el-oba həsrətilə çırpınan saz-söz ustadları ilə bir araya gəliblər.

24 aprel 1989-cu ildən Azərbaycan Respublikası Aşıqlar Birliyinin üzvü olub. Bax, beləcə keşməkeşli və mənalı ömür yolu keçmiş Aşıq Kərim 1999-cu il dekabrın 1-də uzun sürən xəstəlikdən sonra vəfat edib.

• Kərim Paşayev Arxivləşdirilib 2011-06-03 at the Wayback Machine