Kaşık adası

Kaşık adası (türk. Kaşık adası; yun. Πίτα νήσος) və ya Pita adası — Türkiyənin şimal-qərbində, Mərmərə dənizində yerləşən ada.

Kaşık adası
türk. Kaşık adası
Burqazadadan görünüşü
Ümumi məlumatlar
Sahəsi	0,008 km²
Uzunluğu	800 km
Eni	280 km
Əhalisi	0 nəf.
Yerləşməsi
40°53′03″ şm. e. 29°04′38″ ş. u.HGYO
Ölkə	Türkiyə
Vilayət	İstanbul
Rayon	Adalar
Arxipelaq	Şəhzadə adaları
Akvatoriya	Mərmərə dənizi
Kaşık adası
Vikianbarda əlaqəli mediafayllar

Ada Mərmərə dənizində yerləşmiş olub Şəhdazə adalarının bir hissəsidir. Adaya ən yaxın yerləşən ada qərbindəki Burqazadadır. 600–700 metr uzaqlığında Heybəli ada yerləşir. İnzibati cəhətdən İstanbulun Adalar bələdiyyəsi tərəfindən idarə olunur. Adaya bərə ilə səyahət etmək mümkün deyil. Sahəsi 0,008 km²-dır. Əvvəllər adadan sürgün yeri kimi istifadə olunub.

Ada ilk əvvəl Pita və ya Pidə adası kimi tanınıb. Amma daha sonra formaca qaşığa bənzədiyinə görə Kaşık adası adlandırılmışdır. Burada hətta Osmanlı dövründə məskən salınmamışdır. 1950-ci illərdə bu ada Danon adlı yunan ailəsinə aid olsa da, daha sonra ailə tərəfindən bir turizm şirkətinə (Dicköklər ailəsi) satılmışdır. Şirkət adanın xüsusiyyətlərini dəyişdirəvək inşaat işlərinə başlamış, Burqazadaya baxan hissədə beton dalğaqıran tikmək istəmiş^[1], amma Ada Dostları Dərnəyinin etirazları nəticəsində inşaat işləri İstanbul bələdiyyəsi tərəfindən dayandırılmışdır.

Adada heç bir tarixi əsər və ya abidə yoxdur və^[2] burada iki kiçik ev, sadə liman yerləşir.