Kamal Məmmədov (20 Yanvar şəhidi)

Kamal Məmmədov (tam adı: Kamal Seyidqurban oğlu Məmmədov; 13 dekabr 1955, Bakı, Azərbaycan SSR, SSRİ – 20 yanvar 1990, Bakı, Azərbaycan SSR, SSRİ) — Qanlı Yanvar şəhidi.^[1]

Kamal Məmmədov
Kamal Seyidqurban oğlu Məmmədov
Doğum tarixi	13 dekabr 1955
Doğum yeri	Bakı, Azərbaycan SSR, SSRİ
Vəfat tarixi	20 yanvar 1990 (34 yaşında)
Vəfat yeri	Bakı, Azərbaycan SSR, SSRİ
Vəfat səbəbi	"20 Yanvar Şəhidi"
Dəfn yeri	Maştağa Seyidlər qəbiristanlığı
Vətəndaşlığı	SSRİ
Atası	Seyidqurban
Anası	Rəqibə
Milliyyəti	azərbaycanlı
Fəaliyyəti	Anbardar

Həyatı[redaktə | mənbəni redaktə et]

1955-ci il 13 dekabr tarixində Bakı şəhərində anadan olmuşdur. 8-ci sinfi bitirdikdən sonra Əzim Əzimzadə adına Rəssamlıq Məktəbinə daxil olmuş, lakin əsgər gedib qayıtdıqdan sonra ailə vəziyyəti ilə əlaqədar təhsilini davam edə bilməmişdir.^[2]Bir müddət fəhlə kimi işlədikdən sonra ticarət texnikumunu bitirmiş, daha sonra isə Sabunçuda mətbəx fabrikində əvvəlcə satıcı, daha sonra isə anbardar kimi çalışmışdır.

Qanlı Yanvar faciəsi[redaktə | mənbəni redaktə et]

Həmin gecə Sabunçudan Suraxanı benzindoldurma məntəqəsinə gedərkən Suraxanı qəsəbəsi yaxınlığında əsgərlər tərəfindən atəşə tutulmuşdur. Mərhumun bədənində çoxsaylı güllə yarası olmuş, kəskin qanitirmədən vəfat etmişdir.^[3][1]

Ölümündən altı gün sonra atası Seyidqurban Məmmədov da vəfat etmişdir. Ata və oğul Maştağa qəsəbəsində, Seyidlər qəbiristanlığında dəfn edilmişdir.

Qeydlər[redaktə | mənbəni redaktə et]

1. ^ Rafiq Səməndər öz kitabında maşına 30 güllə dəydiyini, onlardan 1-nin Kamalın boynuna dəyərək yerindəcə öldürdüyünü yazmışdır.

Həmçinin bax[redaktə | mənbəni redaktə et]

• "20 Yanvar Şəhidi" fəxri adı alanların siyahısı
• Azərbaycan Respublikasının Azadlıq uğrunda mübarizlərinin siyahısı
• Şəhidlər Xiyabanında dəfn olunanlar

İstinadlar[redaktə | mənbəni redaktə et]