London Kitabxanası

London kitabxanası — Londonda 1841-ci ildə yaradılmış, kitabların və digər informasiya daşıyıcılarının icarəyə verilməsi mümkün olan müstəqil kitabxana.[3]

London Kitabxanası
Xəritə
Ümumi məlumatlar
Ölkə
Yaradılıb 1841[2]
Digər məlumatlar
İşçi sayı
  • 65 nəf. (2020, 2021)
ISIL kodu GB-UkLoLIB
Sayt londonlibrary.co.uk
Vikianbarın loqosu Vikianbarda əlaqəli mediafayllar

Tarixi

[redaktə | mənbəni redaktə et]

London Kitabxanası Britaniya Muzeyi Kitabxanasının idarəetmə siyasətindəki bəzi məqamlarla razılaşmayan Tomas Karlaylın təşəbbüsü ilə yaradılıb. Bu kitabxana 1845-ci ildən Müqəddəs Ceyms Meydanında yerləşir. Vestminster şəhərinin Müqəddəs Ceyms bölgəsində bu kitabxananın xidmət göstərdiyi tikili var[4].

Kitabxanaya üzvlük illik abunə ödənilməklə hər kəsə açıqdır. Kitabxanaya ömürlük və korporativ üzvlük də mövcuddur. 2021-ci ilin dekabr ayına qədər olan məlumata əsasən, London kitabxanasının 7000-dən çox üzvü var.[5]

Kitabxananın uzun müddət prezidenti olmuş, şair, naşir, dramaturq, essey yazıçısı, ədəbi tənqidçi və redaktor Tomas Sterns Eliot (̈1888-1965) üzvlərə üzünü tutaraq "nə cür sosial dəyişiklik baş verərsə versin, London Kitabxanasının məhv olması sivilizasiya üçün fəlakət olardı" demişdir.[6]

Qəyyumlar və idarəçiliyi

[redaktə | mənbəni redaktə et]
19-cu əsr London Kitabxanası kitab etiketi

London Kitabxanası özünü təmin edən müstəqil bir qurumdur. Yeganə məqsədi təhsilin və biliyin inkişafı olan xeyriyyə təşkilatı kimi qeydiyyatdan keçmişdir. 13 iyun 1933-cü ildə Kral Xartiyasına qoşulmuş, 21 oktyabr 1988-ci ildə isə bu qurum əlavə Kral Xartiyası ilə təmin edilmişdir. Kraliça 6 iyul 2004-cü ildə həm 1933, həm də 1968-ci il xartiyalarını ləğv edərək kitabxanaya yeni Kral Xartiyasını təqdim etmişdir.[7] Kitabxananın öz nizamnaməsi və qaydalarını hazırlamaq və ya dəyişdirmək səlahiyyəti var. Onun kral himayəçisi, seçilmiş prezidenti və vitse-prezidentləri var. Kitabnxana sədr və xəzinədar da daxil olmaqla maksimum 15 qəyyumdan ibarət seçilmiş şura tərəfindən idarə olunur.

1896–1898-ci illərdə kitabxana binasındakı kitab kolleksiyası.

İş qrafiki

[redaktə | mənbəni redaktə et]

Kitabxana aşağıdakı vaxtlarda xidmət göstərirː

  • Bazar ertəsi günləri saat 10.00-dan axşam saat 9.00-dək;
  • Çərşənbə axşamı günləri saat 10.00-dan axşam saat 9.00-dək;
  • Çərşənbə günləri saat 10.00-dan axşam saat 5.30-dək (Tədbir oladığı vaxtlarda əksər çərşənbə günləri axşam saat 9-da bağlanır);
  • Cümə axşamı günləri saat 10.00-dan axşam saat 5.30-dək;
  • Cümə günləri saat 10.00-dan axşam saat 5.30-dək;
  • Şənbə günləri saat 9.30-dan axşam saat 5.30-dək;
  • Bazar günləri: İşləmir.

Prezidentləri

[redaktə | mənbəni redaktə et]
  • 4-cü qraf Klarendon, 1841–1870
  • Tomas Karlayl, 1870–1881
  • Houtonun 1-ci baronu Riçard Monkton Milnes, 1881–1885
  • Alfred, Lord Tennison, 1885–1892
  • Sir Lesli Stefen, 1892–1904
  • 1-ci qraf Balfur, 1904–1930
  • H. A. L. Fişer, 1930–1940
  • 6-cı qraf İlçester, 1940–1952
  • T. S. Eliot, 1952–1965
  • Lord Klark, 1965–1980
  • Lord Annan, 1980–1996
  • Con Qriq, 1996–2001
  • Sir Tom Stoppard, 2002–2017
  • Sir Tim Rays, 2017–2022
  • Helena Bonem Karter, 2022–[8]

Vitse prezidentləri isə Lord Littelton, Sir Isayya Berlin, Sir Rupert Hart-Devis, Lord Kenon, Lord Reyn, Sir Stiven Ransiman, Xanım Veronika Vecvud, Xanım Rebekka Uest, Pol Boatenq, Xanım Antoniya Freyzer, Kerolayn Mişel, Ceremi Paksman, Aleksandra Şulman və Cozi Rurk olub.

İstinadlar

[redaktə | mənbəni redaktə et]
  1. ↑ 1 2 Global Research Identifier Database (ing.). 2015.
  2. ↑ http://independentlibraries.co.uk/directory-langholm-to-portico/the-london-library.
  3. ↑ https://www.londonlibrary.co.uk Arxivləşdirilib 2024-03-20 at the Wayback Machine - London Kitabxanasının rəsmi vebsaytı.
  4. ↑ "Libraries Arxivləşdirilib 2011-09-30 at the UK Government Web Archive Arxivləşdirilib 2009-05-08 at the Wayback Machine." City of Westminster. Retrieved on 21 January 2009.
  5. ↑ "London Library: 2014-2015 Annual Report and Financial Statements" (PDF). 2022-10-04 tarixində arxivləşdirilib (PDF). İstifadə tarixi: 2024-03-05.
  6. ↑ T. S. Eliot, A Presidential Address to the Members of the London Library, July 1952: reproduced in McIntyre 2006, p. 33.
  7. ↑ "Royal Charter and Byelaws" (PDF). The London Library. July 2004. March 21, 2021 tarixində arxivləşdirilib (PDF). İstifadə tarixi: July 10, 2022.
  8. ↑ "Helena Bonham Carter becomes London Library's first female president". BBC News. 16 November 2022. Retrieved 16 November 2022.