Mürsəl Bədirov

Mürsəl Bədirov
Mürsəl Bədirov
	Mürsəl Tağı oğlu Bədirov
	; Mürsəl Tağı oğlu Bədirov
Ümumi məlumatlar
Doğum tarixi	27 oktyabr 1931
Doğum yeri	Mahaçqala, Dağıstan MSSR, RSFSR, SSRİ;
Vəfat tarixi	26 fevral 2003 (71 yaşında)
Vəfat yeri	Bakı, Azərbaycan;
Vətəndaşlığı	SSRİ; Azərbaycan;
Musiqiçi məlumatları
Fəaliyyəti	müğənni
Fəaliyyət illəri	1951 – 2003
Janr	opera
Səs tembri	bariton
Mükafatları	;

Mürsəl Tağı oğlu Bədirov (27 oktyabr 1931, Mahaçqala – 26 fevral 2003, Bakı) — Azərbaycanın bariton səsli opera müğənnisi, Azərbaycan SSR Xalq artisti (1979).^[1]

Həyatı

Mürsəl Bədirov 27 oktyabr 1931-ci ildə Dağıstanda anadan olub. O, orta təhsilini Dağıstanda alıb. 1951-ci ildə Azərbaycan Milli Konservatoriyasının Vokal şöbəsinə daxil olub. Tələbə vaxtı opera tamaşalarında epizodik rollarda oynayıb. 1956-cı ildə təhsilini başa vuran Mürsəl Bədirov Opera və Balet Teatrında solist kimi fəaliyyət göstərib.^[1]

Mürsəl Bədirov teatrda işlədiyi illərdə bir çox tamaşalarda fərqli obrazları canlandırıb. O, Jorj Bizenin "Karmen" (Eskamilo və Morales, Dankayro), Pyotr Çaykovskinin "Yevgeni Onegin" (Onegin), Cakomo Puççininin "Toska" və "ÇioÇio-San" (Sezar Anjelotti, Şarples), Şarl Qunonun "Faust" (Valentin), Sergey Raxmaninovun "Aleko" (Aleko), Leo Delibin "Lakme" (Frederika), İvan Dzerjinskinin "İnsanın taleyi" (Andrey Sokolov), Rucero Leonkovallonun "Məzhəkəçilər" (Silvio), Boris Zeydmanın "Alay oğlu" (Əsgər) operalarında ifa edib.^[1]

Mürsəl Bədirov həmçinin azərbaycanlı bəstəkarların da yaradıcılığına müraciət etmişdir. O, Üzeyir bəy Hacıbəyovun "Koroğlu" (Alı), "Leyli və Məcnun" (Nofəl), Müslüm bəy Maqomayevin "Şah İsmayıl" (Qoca ərəb), Cahangir Cahangirovun "Azad" (Xan və Həcir), Fikrət Əmirovun "Sevil" (Atakişi), Ramiz Mustafayevin "Vaqif" (Eldar), Süleyman Ələsgərovun "Bahadır və Sona" (Soltan) operalarında ifa edib.^[1]

Opera müğənnisi Mürsəl Bədirov 1972-ci ildən etibarən Konservatoriyanın vokal kafedrasında çalışıb. Habelə 1992-ci ildə professor elmi adını alıb.^[1]

Vəfatı

Mürsəl Bədirov 2003-cü il fevral ayının 26-da Bakı şəhərində vəfat edib.^[1]

Mükafatları

"Əməkdə fərqlənməyə görə" medalı — 9 iyun 1959
"Azərbaycan SSR Əməkdar artisti" fəxri adı — 29 iyun 1964
"Azərbaycan SSR Xalq artisti" fəxri adı — 23 fevral 1979^[2]
Azərbaycan Respublikası Prezidentinin fərdi təqaüdü — 3 dekabr 2001^[3]

Filmoqrafiya

Sevil (film, 1970)

İstinadlar

↑ ¹ ² ³ ⁴ ⁵ ⁶ Əlamətdar və tarixi günlər təqvimi - 2021 (PDF). Bakı: Zərdabi Nəşr. 2020. səh. 375. ISBN 978 9952 542 04 2.
↑ "Respublikanın yaradıcı işçilərinə Azərbaycan SSR fəxri adlarının verilməsi haqqında Azərbaycan SSR Ali Soveti Rəyasət Heyətinin 23 fevral 1979-cu il tarixli Fərmanı" (PDF) (Azərbaycan). anl.az. 5-12-2010 tarixində arxivləşdirilib (PDF).
↑ "Azərbaycan Respublikasının incəsənət xadimlərinə fərdi təqaüdlər verilməsi haqqında Sərəncam" (Azərbaycan). e-qanun.az. 25-4-2017 tarixində arxivləşdirilib.

[:0-1] ¹ ² ³ ⁴ ⁵ ⁶ Əlamətdar və tarixi günlər təqvimi - 2021 (PDF). Bakı: Zərdabi Nəşr. 2020. səh. 375. ISBN 978 9952 542 04 2.

[2] "Respublikanın yaradıcı işçilərinə Azərbaycan SSR fəxri adlarının verilməsi haqqında Azərbaycan SSR Ali Soveti Rəyasət Heyətinin 23 fevral 1979-cu il tarixli Fərmanı" (PDF) (Azərbaycan). anl.az. 5-12-2010 tarixində arxivləşdirilib (PDF).

[3] "Azərbaycan Respublikasının incəsənət xadimlərinə fərdi təqaüdlər verilməsi haqqında Sərəncam" (Azərbaycan). e-qanun.az. 25-4-2017 tarixində arxivləşdirilib.

[1]

[2]

[3]