Melpomena Kurniçeva
Melpomena Kurniçeva (bolq. Мелпомена Кърничева, mak. Мелпомена Крничева) — Bolqar inqilabçısı - terrorçu[2], Daxili Makedoniya-Odrinsk inqilabi təşkilatı üzvü[3], Daxili Makedoniya-Odrinsk inqilabi təşkilatı rəhbəri Vançe Mixaylovun həyat yoldaşı. Mença ləqəbi ilə tanınır. Milliyyətcə arumın olmuşdur.
| Melpomena Kurniçeva | |
|---|---|
| bolq. Мелпомена Кърничева | |
 | |
| Doğum tarixi | 16 mart 1900[1] |
| Vəfat tarixi | 5 sentyabr 1964 (64 yaşında) |
| Vəfat yeri | |
| Fəaliyyəti | hərbi qulluqçu |
 Vikianbarda əlaqəli mediafayllar | |
Bioqrafiya
[redaktə | mənbəni redaktə et]Uşaqlıq və gənclik illəri
[redaktə | mənbəni redaktə et]Melpomena indiki Şimali Makedoniyanın Kruşevo şəhərində, Sofiyada biznesi olan arumın tacirin ailəsində anadan olub[4]. Onun ana nəslindən olan ulu babası türklər tərəfindən öldürülən Kruşevli bolqar keşişi idi[5].
1918-ci ildə Melpomena Münhendə təhsil alıb və görkəmli bolqar-makedoniyalı inqilabçı, sosialist və terrorçu Todor Panitsa dərnəyinin üzvü olub. Lakin Birinci Dünya müharibəsi bitdikdən sonra Bolqarıstana qayıdır. O, Makedoniyanın azadlığı uğrunda qadın hərəkatının fəalı olmuşdur.
Panitsanı öldürmək
[redaktə | mənbəni redaktə et]Kominternlə sıx əlaqələri olduğundan Makedoniya hərəkatının sol qanadından məyus olan Mença Daxili Makedoniya-Odrinsk inqilabi təşkilatına qoşulur və təşkilatın rəhbərliyinə Vyanada sürgündə olan Panitsanı aradan götürməyi təklif edir.
Vyanaya gələn Kurniçeva qurbanının ailəsinin etibarına qazanır və 8 may 1925-ci ildə Panitsa Burqteatrda öldürülür.
Avstriya məhkəməsinin hökmü ilə Mença 8 il müddətinə azadlıqdan məhrum edilir, lakin ilin sonuna kimi Avstriya Ali Məhkəməsinin qərarı ilə səhhətinin pisləşməsi - vərəm və digər xəstəliklərə görə həbsdən azad edilir.
Şəxsi həyat
[redaktə | mənbəni redaktə et]25 dekabr 1926-cı ildə Daxili Makedoniya-Odrinsk inqilabi təşkilatının rəhbəri Vançe Mixaylovla evlənir. Bəzi məlumatlara görə, Panitsanın öldürülməsi Mixaylov tərəfindən evlənmək üçün şərt idi.
Mühacirət
[redaktə | mənbəni redaktə et]1934-cü ildə əri ilə birlikdə Mença immiqrasiya etməli olur. Türkiyə, Polşa, Müstəqil Xorvatiya Dövləti, İspaniya və İtaliyada yaşayır. Sonda isə Romada xəstəlikdən dünyasını dəyişir.
İstinadlar
[redaktə | mənbəni redaktə et]- ↑ http://www.promacedonia.org/v_mak/1999/mak10_1_9.html.
- ↑ Palairet, Michael. Macedonia: A Voyage through History (Vol. 2, From the Fifteenth to the Present). Cambridge Scholars Publishing. 2015. 190, 350. ISBN 978-1443878456.
- ↑ Markov, Georgi. Assassinations, violence and politics in Bulgaria 1878-1947. Sofia: Military Publishing House. 2003. 207–211. ISBN 954-509-239-4.
- ↑ "МАКЕДОНИЯ: ИСТОРИЯ И НОВИНИ ОТ МНИ / MACEDONIA: HISTORY AND NEWS FROM MSI: MEHЧA KЪPHИЧEBA - "ЗАЩО УБИХ ТОДОР ПАНИЦА ?". 2009-01-01. 2009-01-01 tarixində orijinalından arxivləşdirilib. İstifadə tarixi: 2017-10-22.
- ↑ Михайлов, Иван. Спомени III. Освободителна борба 1924—1934, Льовен, 1967, стр. 175.