Mirəli Məmməd oğlu Əzimov

Mirəli Məmməd oğlu Əzimov
Doğum yeri	Müsüslü
Vətəndaşlığı	SSRİ→ Azərbaycan
Milliyyəti	azərbaycanlı
Elm sahəsi	mühəndis
Elmi dərəcəsi	texnika elmləri namizədi 1987

Mirəli Məmməd oğlu Əzimov - Mirəli Məmməd oğlu Əzimov 20 sentyabr 1946-cı ildə Ucar rayonunun Müsüslü kəndində anadan olub. 1953-cü ildə Müsüslü kənd orta məktəbini, 1964-cü ildə Azərbaycan Politexnik İnstitutunun Mexanika fakültəsi «Maşınqayırmanın texnologiyası, metalkəsən alətlər və dəzgahlar» ixtisasına daxil olub, 1969-cu ildə həmin ixtisası fərqlənmə diplomu ilə bitirmişdir. Azərbaycan Texniki Universitetinin dosenti, texnika elmləri üzrə fəlsəfə doktoru idi. 1970-ci ildə «Materiallar müqaviməti» kafedrasına asisstent vəzifəsinə keçirilib, 1981-ci ildə kafedranın baş müəllimi vəzifəsinə təyin olunub, 1987-ci ildə dissertasiya müdafiə edərək texnika elmləri namizədi alimlik dərəcəsi adını alıb. 1991-ci ildə kafedranın dosenti vəzifəsinə seçilmiş və ömrünün sonunadək həmin vəzifədə çalışmışdır.

Çap olunmuş elmi məqalələri

1. SMU universal stenddə «Materiallar müqaviməti» kursundan laboratoriya işlərinin aparılması üçün Metodik göstəriş. Bakı-2000, 44 səh.

2. Yastı əyilmə və dayanıqlığı hesablamalar (Materiallar müqaviməti fənni üzrə metodik göstəriş). Bakı – 2001, 26 səh.

3. Dartılma, sıxılma və burulmada hesablamalar (Materiallar müqaviməti fənni üzrə metodik göstəriş). Bakı-2004, 21 səh.

4. Dirsəkli valın möhkəmliyə hesablanması (Materiallar müqaviməti fənni üzrə metodik göstəriş). Bakı – 2006, 18 səh.

5. Müstəvi çərçivələrin hesabı (Materiallar müqaviməti fənni üzrə metodik göstəriş). Bakı – 2007, 24 səh.

6. Elastiklik həddi xaricində dartılma-sıxılma məsələləri (Materiallar müqaviməti fənni üzrə metodik göstəriş). Bakı-2009, 30 səh.

7. Sıxılan milin dayanıqlığa hesabı (Materiallar müqaviməti fənni üzrə metodik göstəriş). Bakı-2011, 23 səh.

8. Materiallar müqaviməti fənnindən mühazirələrin qısa məzmunu (Elektron variant). Bakı-2012, 157 səh.