Mirsalam Mirsalamov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Mirsalam Mirsalamov (tam adı: Mirsalam Ağasəlim oğlu Mirsalamov, 28 avqust 1984, Bakı, Azərbaycan SSR, SSRİ) — Azərbaycan prodüseri, teleaparıcısı, rejissoru və aktyoru. Azad Azərbaycan Teleradio Yayım Şirkətinin Anons və Dizayn qrupunun rəhbəri, “Süfrəmiz” və ”Canlı Səs” Tele-layihələrinin aparıcı və yaradıcısı, “Planet Parni iz Baku” Studiyasının İcraçı prodüser və rejissoru, “Planet Parni iz Baku Events” şirkətinin direktoru, “Ay Brilliant”, “Ölülər 21 əsr”, “Ağanatiq”, ”Bəxt Üzüyü”, ”Məhəllə 3” filmlərinin icraçı prodüseri, “Həddən artıq uyğunluq” filmində aktyor kimi çalışmışdir.^{[mənbə göstərin]}

Mirsalam Mirsalamov
Doğum tarixi	28 avqust 1984 (39 yaş)
Doğum yeri	Bakı, Azərbaycan SSR, SSRİ
Milliyyəti	azərbaycanlı
Vətəndaşlığı	SSRİ→ Azərbaycan
Atası	Ağasəlim Mirsalamov
Fəaliyyəti	rejissor prodüser aktyor
Fəaliyyət illəri	2000-indiyə kimi
IMDb	ID7165483

Mirsalam Mirsalamov 28 avqust 1984-cü ildə Bakı şəhərində anadan olmuşdur. 1990-cı ildə 102 saylı məktəbə gedən Mirsalam 1998-ci ildə Azərbaycan Dövlət Maliyyə və İqtisad Kollecinin “Bank işi” ixtisasına daxil olmuşdur. 2002-ci ildə kolleci bitirib Azərbaycan Dövlət Mədəniyyət və İncəsənət Universitetinin Kultroloqiya fakültəsində Mədəniyyətin meneceri ixtisası üzrə təhsil almışdır. ^[1]

2000-ci ildə Space Müstəqil Tele-Radio Kompaniyasında rejissor assitenti kimi fəaliyyətə başlayıb. 2006–cı ilədək Space Müstəqil Tele-Radio şirkətində administrator, prodüser və rejissor vəzifələrdə çalışıb. 2006-2009-cu illərdə Azad Azərbaycan Müstəqil Tele-Radio Kompaniyasında icraçı prodüser, 2009-2012-ci illərdə baş prodüser və aparıcı vəzifələrində işləyib. 2012-ci ildə “Ay Brilliant” filmində icraçı Prodüser vəzifəsində çalışıb. 2012-2013-cü ildə Grand MMC nin baş direktoru vəzifəsini tutub. 2013-cü ildən bu günə qədər Planet Parni iz Balu studiyasında icraçı prodüser, Planet Parni iz Baku Events şirkətinin direktoru vəzifəsində çalışıb. “Ölülər 21 əsr”, “Ağanatiq”,”Bəxt Üzüyü 2”,”Məhəllə 3” filmlərində və “Tv-yə Giriş Qadağandır”, “İdeal Milli Yumor”, “Nataşa tı Prişol”, “Nataşa mı Prişla” KVN konsertlərində İcraçı prodüser kimi çalışıb. McDonalds, Bravo, İcbari Tibbi Sığorta, Azercell kimi şirkətlərin reklam çarxlarının rejissoru olub. 2016-cü ildə Cəfər Cabbarlı adına "Azərbaycanfilm" kinostudiyasının istehsalı olan “Həddən Artıq Uyğunluq” filmində Mərdan obrazını canlandırıb. 2016-cı ildə Azərbaycanın Ən yaxşı Film prodüseri mükafatını alıb. 2019-cu ildə Azad Azərbaycan Müstəqil-Teleradio Kompaniyasında Anons və Dizayn Qrupunun rəhbəri vəzifəsində çalışır.

• Facebook hesabı
• Instagram hesabı
• Twitter hesabı

1. ↑ "Arxivlənmiş surət". 2019-09-30 tarixində arxivləşdirilib. İstifadə tarixi: 2019-09-30.