Murad Musayev (məşqçi)

Vikipediyada bu ad-soyadlı digər şəxslər haqqında da məqalələr var; bax: Murad Musayev.

Murad Oleqoviç Musayev (rus: Мурад Олегович Мусаев; 10 noyabr 1983-cü il təvəllüdlü) — Rusiyalı futbol məşqçisi[1].

Murad Musayev
rus. Мурад Олегович Мусаев
Ümumi məlumatlar
Tam adı Murad Oleqoviç Musayev
Doğum tarixi (40 yaş)
Doğum yeri Krasnodar, Rusiya SFSR, SSRİ
Vətəndaşlığı SSRİ SSRİ→
Rusiya Rusiya
Klub haqqında məlumat
Klub Azərbaycan Sabah
Vəzifəsi Baş məşqçi
Karyerası
Məşqçisi olduğu klublar
2005—2011 Rusiya Krasnodar FK-2000
2011—2017 Rusiya Krasnodar FK-Akademiya
2016—2016 Rusiya Rusiya U-18
2017—2018 Rusiya Krasnodar FK-II
2018—2021 Rusiya Krasnodar FK
2021—2024 Azərbaycan Sabah
Vikianbarın loqosu Vikianbarda əlaqəli mediafayllar

Bioqrafiya

[redaktə | mənbəni redaktə et]

Murad Musayev Rusiya Federasiyasının Krasnodar şəhərində doğulub. Babası Murad milliyyətcə özbəkdir, SSRİ dövründə Buxaradan Krasnodara köçüb. Sonradan babası Özbəkistana geri qayıdıb. Ailəsinin bütün digər üzvləri milliyyətcə rusdur.[2] Futbolçu karyerası olmayıb. Musayev "Kuban Fiziki Hazırlıq, İdman və Turizm" universitetini bitirib. Unversitetdə oxuduğu zaman gənclərdən ibarət "Krasnodar-2000" klubunda uşaq məşqçisi kimi işləyib[3].

Karyera

[redaktə | mənbəni redaktə et]

2011-ci ildə "Krasnodar" klubunun futbol akademiyasında fəaliyyətə başlayıb. 2018-ci ildə "Krasnodar" klubunun gənclər komandasının məşqçisi təyin edilir. "Krasnodar"ın 19 yaşadək futbolçulardan ibarət komandası ilə birlikdə, 2017–18 mövsümündə UEFA Gənclər Liqasının pley-off mərhələsində iştirak edib. Krasnodarlılar pley-offda Real Madrid klubunun gənclər komandasına məğlub olur. Bu oyundan sonra Krasnodar şəhər stadionunun qarşısındakı münaqişədən sonra klubdan kənarlaşdırılır.

3 aprel 2018-ci ildə İqor Səlimovun gedişindən sonra "Krasnodar" klubunun müvəqqəti məşqçisi təyin edilir[4]. UEFA Pro Lisenziyasının olmaması səbəbindən Rusiya Premyer Liqasında məşqçi kimi qeydiyyata alınmır. Musayevin o zaman yalnız UEFA B Lisenziyasına sahib olmasına görə Rusiya Premyer Liqasında məşqçi kimi rəsmi olaraq Oleq Fomenko qeydiyyata alınır. Musayev isə onun əsas köməkçi məşqçisi kimi qeyd edilir. Ancaq de fakto komandanın baş məşqçisi Musayev olur. 2019–20 mövsümündən əvvəl Fomenko "Krasnodar-2" klubuna göndərilir və Sergey Matveyev yeni baş məşqçi təyin olunur, Musayev isə rəsmi olaraq onun köməkçisi təyin olunur[5].

15 iyun 2020-ci ildə Musayev "UEFA"dan "PRO" kateqoriyalı məşqçi lisenziyası alır və rəsmi olaraq Krasnodarın baş məşqçisi təyin edilir[6].

3 aprel 2021-ci ildə Krasnodarın evdə "Axmat" klubuna 0–5 hesabı ilə məğlub olmasından sonra Musayev Krasnodardan qovulur[7].

30 oktyabr 2021-ci ildə rusiyalı mütəxəssis Murad Musayev “Sabah” FK əsas komandasının baş məşqçisi təyin edilir. Mütəxəssislə 2 illik müqavilə bağlanıb.[8]

1 fevral 2024-cü ildə "Sabah" baş məşqçi Murad Musayevlə yollarını ayırıb.[9]

Uğurları

[redaktə | mənbəni redaktə et]

Şəxsi

[redaktə | mənbəni redaktə et]

Rusiya Gənclər Liqasının ən yaxşı baş məşqçisi (1) — 2017–18

Komanda

[redaktə | mənbəni redaktə et]

Krasnodar II

[redaktə | mənbəni redaktə et]

Rusiya U-19 Gənclər Liqasının Çempionu (1) — 2017–18

Şəxsi həyatı

[redaktə | mənbəni redaktə et]

Yuliya adlı xanımla evlidir, iki uşağı var. Kiçik qardaşı 26 yaşında olarkən Rusiyada həkimlərin səhlənkarlığına görə həyatını itirib.[2]

İstinadlar

[redaktə | mənbəni redaktə et]
  1. ↑ "Arxivlənmiş surət". 2023-07-29 tarixində arxivləşdirilib. İstifadə tarixi: 2019-09-11.
  2. ↑ 1 2 ""Məğlubiyyətlərdən sonra günlərlə yatmıram, ağrılar başlayır, hətta dərman atıram." Murad Musayev bir ildir Rusiyadan uzaqdadır - o necə dəyişib?". Sports.ru. İstifadə tarixi: 24 oktyabr 2022.
  3. ↑ "Arxivlənmiş surət". 2018-04-04 tarixində arxivləşdirilib. İstifadə tarixi: 2021-04-04.
  4. ↑ "Arxivlənmiş surət". 2018-04-04 tarixində arxivləşdirilib. İstifadə tarixi: 2021-04-04.
  5. ↑ "Arxivlənmiş surət". 2019-07-15 tarixində arxivləşdirilib. İstifadə tarixi: 2021-04-04.
  6. ↑ "Arxivlənmiş surət". 2020-06-16 tarixində arxivləşdirilib. İstifadə tarixi: 2021-04-04.
  7. ↑ "Arxivlənmiş surət". 2023-07-29 tarixində arxivləşdirilib. İstifadə tarixi: 2021-04-04.
  8. ↑ "Arxivlənmiş surət". 2021-11-06 tarixində arxivləşdirilib. İstifadə tarixi: 2021-10-30.
  9. ↑ ApaSport. ""Sabah"ın baş məşqçisi Murad Musayev istefa verib". apa.az. 01 fevral 2024 11:39 (UTC +04:00). 2024-02-02 tarixində arxivləşdirilib. İstifadə tarixi: 2024-02-02.